2019 Nobel Prize :மருத்துவத்திற்கான நோபல் பரிசு பெற்றவர்களின் பின்புலம் என்ன?

மருத்துவத்திற்கான நோபல் பரிசு பெற்ற மூன்று பேர் யார் என்பது குறித்து பார்ப்போம்.

மருத்துவம், இயற்பியல், வேதியியல், இலக்கியம், உலக அமைதி, பொருளாதாரம் ஆகிய ஆறு துறைகளில் மைல் கல் சாதனை படைப்போருக்கு ஆண்டுதோறும் 'நோபல் பரிசு' வழங்கப்படுகிறது.

அந்த வகையில், 2019ஆம் ஆண்டிற்கான நோபல் பரிசு வழங்கும் விழா இன்று ( அக்டோபர் 7ஆம் தேதி) தொடங்கி 14ஆம் தேதி (அடுத்த திங்கள்கிழமை) வரை ஸ்வீடன் தலைநகர் ஸ்டாக்ஹோமில் நடைபெறுகிறது.

இந்நிலையில், முதல் நாளான இன்று மருத்துவத்திற்கான நோபல் பரிசு அறிவிக்கப்பட்டது. இதில், பிரிட்டனைச் சேர்ந்த பீட்டர் ஜே ராட்கிளிஃப் (Sir Peter J. Ratcliffe), அமெரிக்காவைச் சேர்ந்த வில்லியம் கெய்லின் ஜூனியர் (William G. Kaelin JR), கிரெக் செமன்ஸா ( Gregg L. Semenza) ஆகியோருக்கு நோபல் பரிசானது பகிர்ந்து போகப்பட்டது.

நம் உடம்பிலுள்ள செற்கள் (Cells) ஆக்ஸிஜன் (O2) அளவை உணர்ந்து, அதற்கேற்றாற்போல் அவை எவ்வாறு செயல்படுகிறது என்பதை ஆய்வு செய்து கண்டறிந்ததற்காகவே இந்த நோபல் பரிசினாது வழங்கப்பட்டுள்ளது. புற்றுநோய், ரத்த சோகை ஆகிய நோய்களைக் குணப்படுத்துவதற்கு அவர்களின் ஆய்வு உதவிபுரியும் என்பது கவனிக்கத்தக்கது.

யார் அந்த மூன்று பேர்:

2019 Noble Prize

பீட்டர் ஜே ராட்கிளிஃப் :

1954 மே மாதம் 14ஆம் தேதி, பிரிட்டன் நாட்டின் லான்காஷையர் நகரில் பிறந்தவர் பீட்டர் ராட்கிளிஃப். 1972ஆம் ஆண்டு கேம்பிரிட்ஜ் பல்கலைக்கழகத்தில் சேர்ந்து மருத்துவம் பயின்றார். தொடர்ந்து, ஆக்ஸ்போர்டு பல்கலைக்கழகத்தில் சிறுநீரகம் குறித்து மருத்துவப் பயிற்சி மேற்கொண்டார்.

ராட்கிளிப் ஆய்வு நிறுவனத்தில் இவர் பணியாற்றி வந்தபோது, உடம்பில் உள்ள செல்கள் ஆக்ஸிஜன் பற்றாக்குறையின் போது எவ்வாறு செயல்படுகிறது என்பது குறித்து பல்வேறு ஆய்வு மேற்கொண்டார்.

பேராசிரியர் பீட்டருக்கு எஃப்.ஆர்.எஸ் ( Fellow of the royal Society) கௌரவம் வழங்கப்பட்டுள்ளது.

வில்லியம் கெய்லின் ஜூனியர்:

ஜான் ஹாப்கின்ஸ் பல்கலைக்கழகத்தில் மருத்துவம் பயின்ற வில்லியம் கெய்லின் ஜூனியர், 2008ஆம் ஆண்டு ஹார்வர்ட் பல்கலைக்கழக புற்றுநோய் மையத்தின் துணை இயக்குநராக இருந்தபோது புற்றுநோய் குறித்து, பல்வேறு முக்கிய ஆய்வுகள் மேற்கொண்டார். இவை, புற்றுநோய் குறித்து அறிந்து கொள்ளவும், அவற்றை செய்யவும் மருத்துவர்களுக்கு பெரிதும் உதவியாக இருந்து வருகிறது.

தற்போது, ஹார்வர்டு பல்கலைக்கழகத்தில் மருத்து பேராசிரியராக பணியாற்றிவருகிறார்.

கிரெக் செமன்ஸா:

டியூக் பல்கலைக்கழக்தில் மருத்துவப் படிப்பை முடித்துவிட்டு கிரெக் செமஸ்டா, ஜான் ஹாப்கின் பல்கலைக்கழகத்தில் மரபணு குறித்து ஆய்வு மேற்கொண்டார்.

பின்னர், 1990ஆம் ஆண்டு அப்பல்கலைக்கழகத்தில் பேராசிரியராக பணியில் சேர்ந்த கிரெக், உடம்பில் ஆக்ஸிஜன் குறைபாட்டின் போது செல்கள், எப்படித் தங்களை சரிசெய்து கொள்கின்றன என்பது குறித்து பல்வேறு ஆய்வுகளை மேற்கொண்டு வருகிறார்.