கிழக்கி லடாக்கில் இந்தியா - சீனா நாடுகளுக்கு ஏற்பட்டுள்ள எல்லைப் பிரச்னையே முடிவடையாத நிலையில், கில்கிட் - பால்திஸ்தான் பகுதியில் உள்ள விமான தளத்தில் பாகிஸ்தான் விமான படையினர் ராணுவ பயிற்சியை மேற்கொண்டுள்ளனர்.
இது குறித்து உயர்மட்ட அலுவலர்கள் தரப்பில் கூறுகையில், பாகிஸ்தான் விமான படை தளபதி முஜாஹித் அன்வர் கான் கடந்த வெள்ளிக்கிழமை விமான படையின் பயிற்சியை பார்வையிட்டதோடு, முக்கிய ஆலோசனையில் ஈடுபட்டதாக தெரிவித்தனர். கிழக்கு லடாக்கின் கட்டுப்படுத்தப்பட்ட எல்லைப் பகுதிகளில் இந்தியா - சீனா நேரடியாக மோதிக்கொண்ட நேரத்தில் பாகிஸ்தான் விமான படை தளபதியின் வருகை அமைந்துள்ளது.
இதனிடையே ஜம்மு - காஷ்மீரை பாகிஸ்தானும், லடாக்கில் சீனாவும் என இரு எல்லைப் பகுதிகளில் ஒரே நேரத்தில் தாக்குதல் நடத்தப்போவதாகவும் சில பேச்சுகள் அடிப்பட்டு வருகிறது.
இந்நிலையில் பாகிஸ்தான் வானொலியில், முஜாஹித் அன்வர் கான் பிஏஎஃப் தளத்திற்கு சனிக்கிழமை வந்ததாக தெரிவித்துள்ளது. அப்போது அவருக்கு, போர் விமானங்களை விரைவாக நிலைநிறுத்துதல் மற்றும் போர் ஆதரவு கூறுகள் உள்ளிட்ட பல்வேறு செயல்பாட்டு நடவடிக்கைகளைப் பார்வையிட்டதாகவும், உள்ளீட்டு வளர்ச்சிப் பணிகள் பற்றி விளக்கமளிக்கப்பட்டதாகவும் தெரிகிறது.
ஜம்மு - காஷ்மீரின் கட்டுப்பாட்டுப் பகுதிகளை கடந்த சில மாதங்களாக பாகிஸ்தான் ராணுவம் மீறிவருகிறது. மேலும், பாகிஸ்தான் ராணுவத்தின் பயிற்சிகளை இந்தியா முழுமையாக அறிந்து வைத்திருக்கிறது என தகவல்கள் தெரிவிக்கப்பட்டுள்ளன.
இதையும் படிங்க: குல்பூஷன் ஜாதவ் வழக்கு: இஸ்லாமாபாத் உயர் நீதிமன்றத்தை நாடிய பாகிஸ்தான்
