உலக நாடுகளை மிரட்டும் கரோனா வைரசை கட்டுப்படுத்த முடியாமல் பல முன்னணி நாடுகளே திணறி வருகின்றன. வைரஸ் தடுப்பூசி மருந்து கண்டுபிடிப்பதில் விஞ்ஞானிகள் தீவிரமாக களமிறங்கியுள்ளனர்.
நூற்றுக்கணக்கான மருந்துகள் பரிசோதனை கட்டத்தில் உள்ளன.
இதுவரை உலகளவில் ஒரு கோடியே 87 லட்சத்து 2 ஆயிரத்து 737 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை 7 லட்சத்து 4 ஆயிரத்து 365 ஆக அதிகரித்துள்ளது.
வைரஸிலிருந்து குணமடைந்தவர்களின் எண்ணிக்கை ஒரு கோடியே 19 லட்சத்து 17 ஆயிரத்து 247 ஆக உயர்ந்துள்ளது.
நேற்று ஒரே நாளில் மட்டும் இரண்டு லட்சத்து 54 ஆயிரத்து 978 பேர் கரோனாவால் பாதிக்கப்பட்டுள்ளனர். ஏழு ஆயிரத்திற்கும் மேற்பட்டோர் உயிரிழந்துள்ளனர்.
உலகளவில் கரோனா அதிகம் பாதித்த நாடுகளில் இந்தியா மூன்றாவது இடத்தில் உள்ளது குறிப்பிடத்தக்கது.
