இஸ்லாமாபாத் (பாகிஸ்தான்): பாகிஸ்தானில் தற்கொலை படை தாக்குதல் நடத்தியதில் 3 பேர் பரிதாபமாக கொல்லப்பட்டனர்.
காலை 7.30 மணிக்கு, குவெட்டா நகரில், பயங்கர வெடிபொருட்களுடன் பைக்கில் சுற்றிய பயங்கரவாதி, எல்லை பாதுகாப்பு படை வீரர்கள் சென்ற வாகனத்தின் மீது மோதி தாக்குதலை நடத்தியுள்ளார்.
இதில் வெடித்து சிதறிய வாகனத்தில் இருந்த 3 பேர் கொல்லப்பட்டனர். ரோந்து செல்லும் நேரத்தில் இந்த தாக்குதல் திட்டமிட்டு நடத்தப்பட்டுள்ளது. இந்த தாக்குதலில் காயமடைந்தவர்கள் அனைவரும் அருகிலுள்ள மருத்துவமனையில் ஆபத்தான நிலையில் அனுமதிக்கப்பட்டுள்ளனர்.
சம்பவ இடத்தை ஆய்வு செய்த வெடிகுண்டு நிபுணர்கள், சுமார் 5 முதல் 6 கிலோ வரையுள்ள வெடிபொருட்களை தற்கொலை படை பயங்கரவாதி வெடிக்கச்செய்துள்ளதாக தெரிவித்துள்ளனர்.
இதுவரை தற்கொலை குண்டுவெடிப்பு தாக்குதலுக்கு எந்த பயங்கரவாத அமைப்புகளும் பொறுப்பேற்கவில்லை. இந்த அபாயகர நிகழ்வு குறித்து பாகிஸ்தான் அரசு தீவிர விசாரணைக்கு உத்தரவிட்டுள்ளது.
