பாகிஸ்தானின் சிந்து மாகாணத்திலுள்ள நசுஷாஹரோ ஃபெரொஸே மாவட்டத்தில் பேருந்து கவிழ்ந்து விபத்துக்குள்ளானது. பாஞ்சாபிலிருந்து கராச்சிக்கு இன்று அதிகாலை சென்று கொண்டிருந்த பயணிகள் பேருந்து சதுஜா எனும் பகுதியில் ஓட்டுநரின் கட்டுப்பாட்டை இழந்து பேருந்து கவிழ்ந்தது. இதில் மூன்று பேர் பரிதாபமாக சம்பவ இடத்திலேயே உயிரிழந்ததாக தெரிவிக்கப்பட்டுள்ளது.
இந்த விபத்தில் படுகாயங்களுடன் சிக்கி தவித்த 20-க்கும் மேற்பட்டோர் பத்திரமாக மீட்கப்பட்டு மருத்துவமனைக்கு அனுப்பி வைக்கப்பட்டனர். ஓட்டுநர் தூங்கியதே இந்த விபத்துக்கு காரணமென முதற்கட்ட விசாரணையில் தெரியவந்துள்ளது.
