சண்டக்கோழி 2 திரைப்படத்துக்குப் பிறகு, இயக்குநர் லிங்குசாமி "தி வாரியர்" என்ற படத்தை இயக்குகிறார். தெலுங்கு நடிகர் ராம் பொதினேனி நாயகனாகவும், நடிகர் ஆதி பினிசெட்டி வில்லனாகவும், கீர்த்தி ஷெட்டி கதாநாயகியாகவும் நடிக்கின்றனர். அக்ஷரா கவுடா முக்கிய கதாபாத்திரத்தில் நடிக்கிறார்.
இந்த திரைப்படம் தென்னிந்திய சினிமாவின் மறக்க முடியாத போலீஸ் கதைகளில் ஒன்றாக இப்படம் இருக்கும் எனப் படக்குழுவினர் தெரிவித்துள்ளனர். இப்படத்தை ஶ்ரீனிவாசா சில்வர் ஸ்கிரீன் நிறுவனம் சார்பில், ஸ்ரீனிவாசா சித்தூரி பிரமாண்ட பட்ஜெட்டில் தயாரிக்கிறார்.
படத்தின் டீசர் மற்றும் தேவி ஸ்ரீபிரசாத் இசையில் வெளியான இரண்டு பாடல்கள் நல்ல வரவேற்பு பெற்றது. குறிப்பாக ”புல்லட்” பாடல் பட்டிதொட்டியெங்கும் ஹிட் அடித்தது. தற்போது இப்படத்தின் ட்ரைலர் வெளியாகி ரசிகர்கள் மத்தியில் நல்ல வரவேற்பு பெற்று வருகிறது. தற்போது வரை தமிழ், தெலுங்கு சேர்த்து 10 மில்லியன் பார்வையாளர்களை கடந்துள்ளது.
"தி வாரியர்" திரைப்படம் ஜூலை 14ஆம் தேதி உலகமெங்கும் திரையரங்குகளில் வெளியாகவுள்ளது என அறிவிக்கப்படுள்ளது.
இதையும் படிங்க: விஜய்தேவரகொண்டாவின் 'துணிச்சல்மிகு' பட போஸ்டர்!
