சென்னை: தெலுங்கு இயக்குநர் அனுதீப் இயக்கத்தில் சிவகார்த்திகேயன், உக்ரைன் நடிகை மரியா ரியாபோஷப்கா, சத்யராஜ், உள்ளிட்டோர் நடிப்பில் உருவான “பிரின்ஸ்" திரைப்படம் வரும் 21ஆம் தேதி வெளியாக உள்ளது. இந்தத் திரைப்படத்திற்கு தமன் இசையமைத்துள்ளார்.
இப்படத்தில் சிவகார்த்திகேயன் ஆசிரியராக நடித்துள்ளதாக தகவல் வெளியாகியுள்ளது. இப்படத்தின் 2 பாடல்கள் வெளியாகி நல்ல வரவேற்பைப் பெற்றுள்ளது. சமீபத்தில் படப்பிடிப்பு நிறைவடைந்தது. இதனை படக்குழுவினர் கேக் வெட்டி கொண்டாடியுள்ளனர்.
இந்தாண்டு தீபாவளியையொட்டி வெளியாக உள்ள இப்படத்தின் ட்ரைலர் நாளை வெளியாக உள்ளது. இதன் வெளியீட்டு விழா சென்னையில் நடைபெற உள்ளது. இந்த படம் சிவகார்த்திகேயனின் 20ஆவது படமாகும். முன்னதாக சிவகார்த்திகேயன் நடித்து வெளியான டாக்டர், டான் உள்ளிட்ட திரைப்படஙகள் மக்களிடையே பெரும் வரவேற்பை பெற்றது குறிப்பிடத்தக்கது.
இதையும் படிங்க:சென்னையில் திரையிடப்பட்ட ஆஸ்கார் விருதுக்கு பரிந்துரைக்கப்பட்ட திரைப்படம்...
