எச்.வினோத் இயக்கத்தில் அஜித் நடித்துள்ள படம் துணிவு. இப்படத்தை போனி கபூர் தயாரித்துள்ளார். ஜிப்ரான் இசையமைத்துள்ள படத்தில் அஜித்துடன் மஞ்சு வாரியர் நடித்துள்ளார். இப்படம் வருகிற பொங்கலுக்கு வெளியாகிறது.
ரசிகர்கள் மத்தியில் மிகப் பெரிய எதிர்பார்ப்பை ஏற்படுத்தியுள்ளது துணிவு திரைப்படத்தில் அனிருத் பாடிய சில்லா சில்லா பாடல் கடந்த வாரம் வெளியாகி ரசிகர்கள் மத்தியில் மிகுந்த வரவேற்பைப் பெற்று வருகிறது.
இப்பாடலில் அஜித்தின் நடனத்தைப் பார்த்த ரசிகர்கள் குதூகலமாக உள்ளனர். இதனையடுத்து துணிவு படத்தின் அடுத்த பாடல் எப்போது என்று ரசிகர்கள் எதிர்பார்த்துக் காத்திருந்த நிலையில் இசையமைத்துள்ளார் ஜிப்ரான் மகிழ்ச்சியாகச் செய்தியை வழங்கியுள்ளார்.
ஜிப்ரான் தனது ட்விட்டர் பக்கத்தில் ’காசேதான் கடவுளடா’ என்ற வார்த்தையை ட்வீட் செய்துள்ளார். இதனைப் பார்த்த ரசிகர்கள் அடுத்த பாடல் இதுதான் என்று உற்சாகத்தில் உள்ளனர். விரைவில் அடுத்த பாடல் வெளியாகும் என்று எதிர்பார்க்கப்படுகிறது.
இதையும் படிங்க: வயசானாலும் மாறாத ஸ்டைலும் அழகும் - சூப்பர் ஸ்டாரின் கதை
