லோகேஷ் கனகராஜ் இயக்கத்தில் கமல்ஹாசன் நடித்து வெளியான 'விக்ரம்' திரைப்படம் பிரமாண்ட வெற்றியைப் பெற்றுள்ளது. அதனைத்தொடர்ந்து லோகேஷ் கனகராஜ் விஜயை வைத்து தனது அடுத்த படத்தை இயக்க உள்ளார். விஜய் தற்போது இயக்குநர் வம்சி இயக்கத்தில் ‘வாரிசு’ படத்தில் நடித்து வருகிறார்.
அதனை முடித்துக்கொண்டு லோகேஷ் கனகராஜ் படத்தில் இணைகிறார். இப்படத்திற்கு தற்போது வரை ’தளபதி 67’ என பெயரிடப்பட்டது. இந்நிலையில், இப்படத்தில் நடிகை சமந்தா வில்லியாக நடிக்க உள்ளதாக கூறப்படுகிறது. விஜய் கேங்ஸ்டர் வேடத்தில் நடிப்பதாகவும் போலீஸ் அலுவலரான சமந்தா அவருக்கு எதிரான வேடத்தில் நடிப்பதாகவும் கூறப்படுகிறது.
மேலும், விஜய்க்கு ஜோடியாக பிரியங்கா மோகன் நடிக்க உள்ளதாகவும் தகவல் வெளியாகியுள்ளது. இதுகுறித்து அதிகாரப்பூர்வ அறிவிப்பு இன்னும் வெளியாகவில்லை. ஆனால், இந்தத் தகவல் சமூக வலைதளங்களில் வைரலாகி வருகிறது. சமந்தா ஏற்கெனவே ’பத்து எண்றதுக்குள்ள’ படத்தில் வில்லியாக நடித்துள்ளார் என்பது குறிப்பிடத்தக்கது.
இதையும் படிங்க: ஆயிரம் அடியில் சிம்புவுக்கு சுவரொட்டி - அசத்திய மதுரை ரசிகர்கள்
