சிவா இயக்கிய ’அண்ணாத்த’ படத்தில் நடித்த ரஜினி அதனையடுத்து கோலமாவு கோகிலா, டாக்டர், பீஸ்ட் படங்களை இயக்கிய நெல்சன் இயக்கும் ’ ஜெயிலர் ’ படத்தில் நடிப்பதற்கு தயாராகி வருகிறார்.
இதில் ரஜினிக்கு வில்லனாக கன்னட நடிகர் சிவராஜ்குமார் நடிப்பதாக கூறப்படுகிறது. மேலும் ஐஸ்வர்யா ராய், ரம்யா கிருஷ்ணன், பிரியங்கா மோகன், யோகி பாபு ரெடின் கிங்ஸ்லி , சுனில் ரெட்டி உள்பட பலர் நடிக்க கமிட் ஆகி இருப்பதாகவும் தகவல்கள் வருகின்றன. அனிருத் இசை அமைக்கிறார்.
தற்போது ஜெயிலர் படத்திற்காக ஐதராபாத் ராமோஜி ராவ் பிலிம் சிட்டியில் பிரமாண்டமான செட் அமைக்கும் பணிகள் நடைபெற்று வருவதாகவும், இப்படத்தின் பெரும்பாலான காட்சிகள் இந்த செட்டுக்குள்ளேயே படமாக்கப்பட உள்ளதாக கூறப்படுகிறது. இதனை தொடர்ந்து ஆகஸ்ட் 10ம் தேதி முதல் ஜெயிலர் படத்தின் படப்பிடிப்பு தொடங்க இருப்பதாக தகவல்கள் வெளியாகி உள்ளன.
இந்த படத்தில் நடிகர் ரஜினிகாந்த் ஓய்வுபெற்ற ஜெயிலராக நடிக்கவுள்ளதாகவும், அதனால் படத்தின் படப்பிடிப்பு முழுக்க முழுக்க சிறையில் தான் நடக்கவுள்ளதாவும் கூறப்படுகிறது.
இதையும் படிங்க: வெளியானது சந்தானம் நடிக்கும் ”குலு குலு” படத்தின் டீசர்
