தமிழ் சினிமாவில் பிரம்மாண்ட படங்களைத் தயாரித்தவர் தயாரிப்பாளர் கே.டி. குஞ்சுமோன். இவர் தயாரித்த சூரியன், ஜென்டில்மேன், காதலன், காதல் தேசம் போன்ற பல படங்கள் வசூல் சாதனை படைத்த படங்களாகும். பிரமாண்டமாகவும், ஒலி - ஒளி நேர்த்தியாகவும் படைக்கப்பட்டு மக்கள் மனதில் நீங்கா இடம் பெற்ற படங்களாக தயாரித்தவர் கே.டி.கே.
விரைவில் வரவிருக்கும் நடிகர் ரஜினிகாந்தின் பிறந்த நாளை முன்னிட்டு ரஜினிகாந்தின் ’பாபா’ படத்தை ரீ-ரிலீஸ் செய்கிறார்கள். இதற்கு முன்னோடியாக கே.டி.கே தயாரித்த "காதல் தேசம்" படத்தை முதல் கட்டமாக தெலுங்கில் இன்று(டிச.9) வெளியிடுகிறார். இளைஞர்களை காதலில் கிறங்கடித்த இந்தப் படத்தை இசை நேர்த்தியுடன் புதிய கலர் சேர்ப்பில் தெலுங்கில் பிரேமதேசம் என்ற பெயரில் புத்தம் புது காப்பியாக இன்று(டிச.9) வெளியாகியுள்ளது. ஆந்திரா மற்றும் தெலுங்கானாவில் 200- க்கும் அதிகமான திரையரங்குகளில் ரீ-ரிலீஸ் செய்யபட்டு சாதனை படத்துள்ளார் கே.டி.கே.
நடிகர்கள் வினீத், அப்பாஸ், தபு ஆகியோர் நடித்து கதிர் இயக்கத்தில் வெளிவந்த இப்படத்துக்கு இசையமைப்பாளர் ஏ.ஆர்.ரஹ்மான் இசை அமைத்திருந்தார். ரஹ்மானின் இசை பயணத்தில் காதல் தேசம் திருப்புமுனையாக அமைந்தது . படத்தின் பாடல்கள் உலகம் முழுவதுமுள்ள பட்டி தொட்டி எங்கும் முணு முணுக்கப்பட்டு பிரபலமடைந்தது. கே.டி. குஞ்சுமோன் அடுத்து தயாரித்து வரும் "ஜென்டில்மேன்2" படத்தின் படப்பிடிப்புக்கான வேலைகளும் முழு வீச்சில் நடை பெற்று வருகிறது என்பதும் குறிப்பிடத்தக்கது.
இதையும் படிங்க: விமர்சனங்களால் மனம் உடையக்கூடாது - உருவ கேலிக்கு நடிகை திவ்யபாரதி பதிலடி
