சென்னையில் திரைப்பட பத்திரிகையாளர்கள் சங்கம் சார்பில் இன்று (ஜூலை 30) நடைபெற்ற விழாவில் இயக்குநர் லோகேஷ் கனகராஜ் கலந்துகொண்டார். இதன் பின் செய்தியாளர்களை சந்தித்தார். அப்போது அவர், "விக்ரம் பட வெற்றிக்குப் பிறகு இப்போதுதான் அடுத்த படத்திற்கான எழுத்து வேலையில் ஈடுபட்டுள்ளேன்.
இந்த படத்தின் தயாரிப்பு தரப்பிலிருந்து அதிகாரப்பூர்வ அறிவிப்பு வெளியாகிய பின்னரே நான் இதுகுறித்து பேச முடியும். ரஜினி உடன் படம் பண்ண உள்ளதாக வந்த தகவலை நானும் அறிந்தேன். அவ்வளவு சுலபமாக எல்லாம் அது நடந்துவிடாது. அப்படி நடந்தால் சந்தோஷம்தான். அனைத்து நடிகர்களுடனும் படம் இயக்க ஆசை. அஜித், ரஜினி உடனும் பணியாற்ற ஆசை எல்லாவற்றையும் காலம் தான் முடிவு செய்யும்" என்றார்.
இதையும் படிங்க: 'வெந்து தணிந்தது காடு' டப்பிங் பணிகளை முடித்த சிம்பு!
