Varisu Vs Thunivu: சென்னை: இந்த வருட பொங்கலுக்கு நடிகர் விஜய், அஜித் ஆகியோரின் படங்கள் வெளியாகியுள்ளன. இயக்குநர் வம்சி இயக்கத்தில் விஜய் நடித்த வாரிசு படமும், இயக்குநர் எச்.வினோத் இயக்கத்தில் அஜித் நடித்த துணிவு படமும் வெளியாகியுள்ளது. இரண்டு படங்களும் ரசிகர்கள் மத்தியில் மிகுந்த வரவேற்பைப் பெற்று வருகிறது.
இந்த நிலையில் 'வாரிசு' படத்தில் இடம்பெற்ற அரசியல் தொடர்பான வசனங்கள் ரசிகர்களை கவர்ந்துள்ளது. குறிப்பாக 'பவர் அப்படிங்கிறது சீட்ல இல்ல... அதுல வந்து ஒருத்தன் உட்காருறான் பாரு... அதுல இருக்கு' என்ற வசனம், '5 நிமிஷத்துல ஆட்சியே மாறுது' போன்ற வசனங்கள் ரசிகர்களைக் கவர்ந்துள்ளன.
இங்கே இப்படி என்றால் துணிவு படத்தில் இன்னும் ஒரு படி மேல் சென்றுள்ளனர். சமீபத்தில் தமிழ்நாடு ஆளுநர் சட்டப்பேரவையில் நடந்துகொண்ட விதம் அனைவரும் அறிந்ததே. இந்த நிலையில் துணிவு படத்தில் கமிஷனரான சமுத்திரக்கனி கமாண்டரிடம் இப்படி சொல்வார். 'ரவீந்தர் இது தமிழ்நாடு; உன் வேலையை இங்க காட்டாத' என்ற வசனம் தற்போதைய சூழலுக்கு பொருந்திப் போனதால், இதையும் சமூக வலைத்தளங்களில் ரசிகர்கள் பதிவிட்டு வருகின்றனர்.
இரண்டு படங்களும் அவரவர் ரசிகர்களுக்கு முழு திருப்தியை கொடுத்துள்ளன என்பது சமூக வலைதளங்களில் வரும் பதிவுகளை பார்த்தாலே தெரிகிறது. வரும் நாட்களில் யார் வசூல் மன்னனாக மாறுவார்கள் என்பது குடும்பங்களின் கையில் தான் உள்ளது.
இதையும் படிங்க:வீடியோ: துணிவு பட வெளியீட்டை தெறிக்க விட்ட நெல்லை பாய்ஸ்
