சென்னை: இயக்குநர் பா.ரஞ்சித் இயக்கிய நட்சத்திரம் நகர்கிறது படத்திற்குப் பின் தற்போது நடிகர் விக்ரம் நடித்து வரும் படத்தை இயக்கி வருகிறார். இப்படத்தை ஞானவேல் ராஜாவின் ஸ்டுடியோ கிரீன் நிறுவனம் தயாரிக்கிறது. இப்படத்தில் விக்ரம், பசுபதி, மாளவிகா மோகனன், பார்வதி உள்ளிட்டோர் நடித்து வருகின்றனர். இது விக்ரமின் 61வது படம் என்பது குறிப்பிடத்தக்கது.
இப்படத்திற்கு ஜிவி.பிரகாஷ்குமார் இசை அமைக்கிறார். இப்படத்தின் படப்பிடிப்பு ஆந்திராவில் சமீபத்தில் தொடங்கியது. இயக்குநர் பா.ரஞ்சித் தனது வழக்கமான கதைக்களத்தில் இப்படத்தை இயக்கி வருகிறார்.
இப்படத்தின் தலைப்பு இன்று (அக்.23) வெளியிடப்பட்டுள்ளது. அதன்படி இப்படத்திற்கு தங்கலான் என்று பெயரிடப்பட்டுள்ளது. தங்கலான் என்றால் ஊர்காவல் என்று அர்த்தமாம்.
தாழ்த்தப்பட்ட சமுதாயத்தினர் பற்றி தான் இதிலும் சொல்லப்படுகிறது என்று இதன் டீஸர் வீடியோவிலேயே தெரிகிறது. விரைவில் இப்படம் குறித்த அடுத்தடுத்த அறிவிப்புகள் வெளியாகும் என்று எதிர்பார்க்கப்படுகிறது.
இதையும் படிங்க:நியூயார்க் பள்ளிகளில் தீபாவளிக்கு விடுமுறை... பிரியங்கா சோப்ரா வரவேற்பு...
