நடிகர் அருள்நிதியின் பிறந்த நாள் கொண்டாட்டம் இன்று(ஜூலை 21) ரெட் ஜெயன்ட் மூவீஸ் அலுவலகத்தில் நடைபெற்றது. ரெட் ஜெயன்ட் மூவீஸ் இணை தயாரிப்பாளர் M.செண்பகமூர்த்தி தலைமையில் நடைபெற்ற இந்நிகழ்வில் லைகா புரொடக்ஷன்ஸ் CEO தமிழ்குமரன் மற்றும் ரெட் ஜெயன்ட் மூவீஸ் அலுவலகத்தினர் கலந்துகொண்டனர். அங்கு அருள்நிதியின் பிறந்தநாளுக்கு கேக் வெட்டப்பட்டது.
வைட் கார்ப்பட் ஃபிலிம்ஸ் சார்பில் K.விஜய் பாண்டி தயாரிப்பில், கதாநாயகனாக அருள்நிதி நடித்துள்ள திரைப்படம் 'தேஜாவு'. இப்படத்தை அறிமுக இயக்குநரான அரவிந்த் ஸ்ரீநிவாசன் இயக்கியுள்ளார். இப்படத்தில் மதுபாலா, அச்சுத் குமார், ஸ்மிருதி வெங்கட், ராகவ் விஜய், சேத்தன், 'மைம்' கோபி, காளி வெங்கட் உள்ளிட்டோர் முக்கிய கதாபாத்திரங்களில் நடித்துள்ளனர்.
இப்படத்திற்கு ஜிப்ரான் இசையமைக்க, PG முத்தையா ஒளிப்பதிவு செய்துள்ளார். அருள் E. சித்தார்த் படத்தொகுப்பாளராக பணியாற்றியுள்ளார். இப்படம் நாளை(ஜூலை 22) திரையரங்குகளில் வெளியாக உள்ளது. அருள்நிதி எப்போதும் வித்தியாசமான கதைகளை மட்டுமே தேர்வுசெய்து நடிப்பவர். அதேபோல், தேஜாவு திரைப்படமும் வித்தியாசமாக இருப்பதாக விமர்சகர்கள் மத்தியில் பாராட்டப்பட்டு வருகிறது. இதனால் நாளை வெளியாகும் இப்படத்திற்கு மிகுந்த எதிர்பார்ப்பு எழுந்துள்ளது.
