நடிகர் வெங்கட் ராகுல், ஒளிப்பதிவாளர் சுஜித் சாரங், எடிட்டர் ஶ்ரீஜித் சாரங் தயாரிப்பில் இயக்குநர் பெப்பின் ஜார்ஜ் ஜெயசீலன் இயக்கத்தில் உருவாகியுள்ள திரில்லர் திரைப்படம், ‘எமகாதகி’. இப்படத்தின் படப்பிடிப்பு முடிந்த நிலையில் இறுதிகட்ட வேலைகள் பரபரப்பாக நடந்து வருகின்றன.
நடிகை ராஷ்மிகா மந்தனா வெளியிட்ட இப்படத்தின் ஃபர்ஸ்ட் லுக் ரசிகர்களிடம் நல்ல வரவேற்பைப் பெற்றுள்ளது. திரைத்துறையில் தொழில்நுட்பக் கலைஞர்களாக, கலையை நேசிக்கும் உண்மையானவர்களாக வலம் வரும் நண்பர்கள் நடிகர் வெங்கட் ராகுல், ஒளிப்பதிவாளர் சுஜித் சாரங், எடிட்டர் ஶ்ரீஜித் சாரங் ஆகியோர் இணைந்து இப்படத்தைத் தயாரித்துள்ளனர்.
திரைத்துறையில் பணியாற்றி வரும் இவர்களை கலையும் சினிமா மீதான காதலும் நண்பர்களாக இணைத்துள்ளது. ஒரு சந்திப்பில் இயக்குநர் பெப்பின் ஜார்ஜ் ஜெயசீலன் கதையினை கேட்ட, நண்பர்களுக்கு மிகவும் பிடித்துப்போகவே, இப்படத்தை தாங்களே இணைந்து தயாரிக்க முன்வந்துள்ளனர். சினிமா மீதான உன்னத அன்பில், படத்தை தரும் எண்ணத்தில், இப்படத்தை தயாரித்துள்ளனர்.
ஒரு பெண் முதன்மை நாயகியாக நடிக்கும் இப்படத்தில் ரூபா கொடுவயூர் முதன்மைப் பாத்திரத்தில் நடித்துள்ளார். நரேந்திர பிரசாத், கீதா கைலாசம், R.ராஜூ, சுபாஷ் ராமசாமி, ஹரிதா, பொற்கொடி, ஜெய், பிரதீப், ராமசாமி ஆகியோருடன் மேலும் பலர் நடித்துள்ளனர்.
தஞ்சாவூரைச் சுற்றிய கிராமங்களில் இப்படத்தின் முழு படப்பிடிப்பும் நடத்தப்பட்டுள்ளது. கிராமத்துப் பின்னணியில் நடக்கும், சூப்பர் நேச்சுரல் மிஸ்டரி திரில்லராக இப்படம் உருவாகியுள்ளது. இறுதிகட்டப் பணிகள் தீவிரமாக நடந்து வரும் நிலையில் படத்தின் டீஸர், ட்ரெய்லர், இசை வெளியீடு மற்றும் திரையரங்கு வெளியீடு, குறித்த அறிவிப்புகள் விரைவில் அதிகாரப்பூர்வமாக அறிவிக்கப்படும்.
நைசாட் மீடியா ஒர்க்ஸ் & சாரங் பிரதர்ஸ் புரொடக்சன்ஸ் இப்படத்தை தயாரித்துள்ளனர்.
இதையும் படிங்க: "சாட்டர்டே இஸ் கம்மிங்கு..." - முதல்முறையாக சொந்தக் குரலில் பாடல் பாடிய சந்தானம்!
