தமிழ் சினிமா ரசிகர்கள் ஒரு நடிகன் அல்லது நடிகையை ஏற்றுக்கொள்வதில் பெரும் எதிர்பார்ப்புகளை வைத்திருப்பதில்லை. ஒரு படத்தில் நடித்தவர்களும் அதன் பின் ரசிகர்களால் அதிகம் கொண்டாடப்பட்டு உச்ச நட்சத்திரமாக ஜொலிப்பது வழக்கமாகும். இந்த வகையில் தமிழில் ஜிவி பிரகாஷ் மற்றும் நடிகை திவ்யபாரதி நடிப்பில் கடந்த ஆண்டு வெளியான படம் 'பேச்சுலர்'. இப்படம் கலவையான விமர்சனங்களைப் பெற்றிருந்தாலும், தற்கால இளைஞர்கள் விரும்பும் பேவரைட் படமானது. இதில் அறிமுகமான நடிகை திவ்யபாரதியை பெரும்பாலான ரசிகர்கள் ரசிக்கத் தொடங்கியிருந்தனர்.
சமூக வலைதளங்களில் ஆக்டிவாக இருக்கும் திவ்யபாரதி அடிக்கடி பல புகைப்படங்களை அவரது இன்ஸ்டாவில் போடுவது வழக்கம். இந்நிலையில் கடந்த சில மாதங்களாக திவ்யபாரதியின் உடல் உருவத்தை வைத்து கலாய்த்து பல மீம்ஸ்கள் வலம் வந்தன. அவர் பிளாஸ்டிக் சர்ஜரி செய்திருப்பதாகவும் பல வதந்திகள் பரவின. இந்த கேலிகளுக்கும், விமர்சனங்களுக்கும் தற்போது திவ்யபாரதி பதிலளித்துள்ளார்.
இது குறித்த அவரது இன்ஸ்டாகிராம் பதிவில், ‘இந்தப் பதிவு நிச்சயமாக எதையும் விளக்குவதற்காகவோ அல்லது நிரூபிப்பதற்காகவோ இடப்படவில்லை. ஆனால், நம்மிடம் உள்ள குறைகளோடு நம்மை நேசிப்பதை ஆதரிப்பதற்காக. சமீப நாட்களில் எனது உடல் வடிவம் போலியானது எனவும், நான் ஹிப் பேட்களைப் பயன்படுத்துகிறேன் எனவும், என் இடுப்புக்கு அறுவை சிகிச்சை செய்தேன் எனவும் பல போலியான பதிவுகள் சமூக வலைத்தளத்தில் வருகிறது. மேலும் எனக்கு "ஃபாண்டா பாட்டில் ஷேப்”, "எலும்புக்கூடு" "பெரிய பட் கேர்ள்" எனவும் பெயரிடப்படுகிறது.
- " class="align-text-top noRightClick twitterSection" data="
">
எனது டைரியில் கல்லூரித் தோழி கூட எனது உடல் அமைப்பைக் கேலி செய்து வரைந்துள்ளார். இது போன்ற கேலிகள் என்னைக் கடுமையாகப் பாதிப்புக்குள்ளாக்கி நானே என் உடலை வெறுக்கும் அளவுக்கு என்னைத் தள்ளியது. இதனால் அனைவரின் முன் நடக்கக்கூட பயமாக இருந்தது. இந்த உடல்வாகு எனது தவறு இல்லை. இயற்கையாகவே எனது எலும்பின் வடிவம் இதுவாகும். பின்னர் மாடலிங் செய்ய ஆரம்பித்தபோது பலரும் என் உடல் அமைப்பைப் பாராட்டினார்கள். அப்போதுதான் நம்மை வெறுப்பவர்களும், நேசிப்பவர்களும் இங்கே இருக்கத்தான் செய்வார்கள். நாம்தான் வெறுப்பை இதயத்திற்கும், புகழை மூளைக்கும் எடுத்துச்செல்லாமல் இருக்க வேண்டும்.
அன்பான சக பெண்களே விமர்சனங்களை மனதில் கொள்ளாத வரையிலும், பாராட்டுகளை நம் தலையில் சுமக்காத வரையிலும் நாம் எப்போதும் வலிமையாகவும், அன்பாகவும் இருப்போம். இதில் உங்கள் அனைவருடனும் இருப்பேன் என உறுதியளிக்கிறேன்” எனக் குறிப்பிட்டிருந்தார்.
இதையும் படிங்க:மாண்டஸ் புயலால் வலுவிழந்த வைகைப்புயல்!
