நடிகர் விஜயின் 'பீஸ்ட்' படத்தைத்தொடர்ந்து ரஜினி நடிக்கும் அடுத்த திரைப்படமான 'Thalaivar 169'-ஐ இயக்கத்தயாராகி வருகிறார், நெல்சன். இப்படத்தையும் சன் பிக்சர்ஸ் தயாரிக்கிறது. அனிருத் இசையமைக்கிறார். ’பீஸ்ட்’ படத்திற்கு கிடைத்த நெகடிவ் விமர்சனங்களால் ரஜினி, நெல்சன் மீது அதிருப்தியில் இருப்பதாக செய்தி வெளியானது. ஆனால், அதெல்லாம் கிடையாது; ரஜினியை நெல்சன் இயக்குவது உறுதி என்ற தகவல் தற்போது வெளியாகியுள்ளது.
இந்நிலையில் ரஜினியைத்தொடர்ந்து தனுஷ் நடிக்கும் படத்தை நெல்சன் இயக்க உள்ளாராம். சமீபத்தில் தனுஷை சந்தித்த நெல்சன் ஒரு புது வகையான கதையைச் சொல்லியுள்ளார். அந்தக் கதை தனுஷுக்கு பிடிச்சு போயிட்டதால், இந்தக் கூட்டணி உறுதி செய்யப்பட்டுள்ளதாகவும் தகவல் பரவி வருகிறது.
தற்போது நடிகர் தனுஷ், 'நானே வருவேன், 'வாத்தி' என இரு படங்களையும் கைவசம் வைத்துள்ளார். இந்தப் படத்தை விரைவில் முடிக்க உள்ள தனுஷ், அருண் மாதேஸ்வரன் இயக்கத்தில் நடிக்கிறார். இதனைத்தொடர்ந்து நெல்சனின் படத்தில் நடிக்க உள்ளாராம்.
இதையும் படிங்க: 'நான் உனை நீங்கமாட்டேன்..!' - ட்விட்டரில் இளையராஜா யாரைக் குறிப்பிட்டார்?
