அதிமுக கூட்டணியில் உள்ள தேமுதிகவின் விருதுநகர் நாடாளுமன்ற தொகுதி வேட்பாளர் அழகர்சாமியை ஆதரித்து சமத்துவ மக்கள் கட்சியின் தலைவர் சரத்குமார் பரப்புரையில் மேற்கொண்டார், அதில் அவர் கூறியதாவது,
'இந்தியாவின் அண்டை நாடுகளான சீனா மற்றும் பாகிஸ்தானின் அச்சுறுத்தல்களில் இருந்து நம்மை பாதுகாக்க வேண்டுமானால், பிரதமர் மோடி மீண்டும் மத்தியில் ஆட்சி அமைக்க வேண்டும். ராகுல் காந்தி வட இந்தியாவில் உத்தரபிரதேசம் மாநிலத்தில் உள்ள அமேதி தொகுதியிலும் தென் இந்தியாவில் கேரளாவின் வயநாடு தொகுதியிலும் போட்டியிடுகிறார்.
இதில் வயநாட்டில் கம்யூனிஸ்ட் கட்சியை எதிர்த்தும், தமிழ்நாட்டில் அதே கம்யூனிஸ்ட் கட்சியுடன் கூட்டணியிலும் போட்டியிடுகிறார், இதுதான் சரியான சந்தர்ப்பவாத கூட்டணி ஆகும். மேலும் மத்தியில் கடந்த காங்கிரஸின் ஆட்சிக் காலம் ஊழல் மிகுந்த ஆட்சியாக இருந்தது, அதற்கு துணையாக மாநிலத்தில் திமுக இருந்தது என்றும் அவர் கூறினார்.
