தேர்தல் முழுவதும் தேசியவாதம், தேசிய பாதுகாப்பு போன்ற பிரச்னைகளுக்கு பாஜக முன்னுரிமை கொடுத்து பரப்புரை செய்து வருகிறது. இந்நிலையில், ராஜஸ்தான் மாநிலம் சிக்கரில் இன்று மோடி தேர்தல் பரப்புரையில் ஈடுபட்டார்.
அப்போது அவர் கூறுகையில், "காங்கிரஸ் கட்சி நடத்தியதாக கூறும் ஆறு சர்ஜிக்கல் ஸ்டிரைக்கள் பற்றி பயங்கரவாதிகள், பாகிஸ்தான், ஏன் இந்தியர்களுக்கே அந்த தாக்குதல் பற்றி தெரியாது. இந்த விவகாரத்தில் காங்கிரஸ் எங்களை முதலில் விமர்சித்தது. பிறகு, நாங்களும் செய்தோம் என கூச்சலிடுகிறது" என்றார்.
முன்னதாக, காங்கிரஸ் கட்சியின் ஆட்சி காலத்தில் ஆறு சர்ஜிக்கல் ஸ்டிரைக் நடந்ததாக அக்கட்சியின் மூத்தத் தலைவர் ராஜீவ் சுக்லா கூறியது குறிப்பிடத்தக்கது
