மதுரை: பழங்காநத்தம் நேரு நகர் பகுதியைச் சேர்ந்த பூபதிராஜா(26). இவரின் தங்கையின் தோழியான 15 வயது சிறுமி வீட்டுக்கு அடிக்கடி வந்து சென்றுள்ளார். அப்போது இருவருக்கும் இடையே பழக்கம் ஏற்பட்டு காதலாக மாறியுள்ளது.
இதனைத் தொடர்ந்து சிறுமி, தான் கர்ப்பமாக இருப்பதாக பூபதிராஜாவிடம் தெரிவித்துள்ளார். அதற்கு, தங்கையின் திருமணம் முடிந்த பிறகு உன்னை திருமணம் செய்துகொள்வதாகக் கூறி , தனியார் மருத்துவமனைக்கு அழைத்துச் சென்று கர்ப்பத்தை கலைத்துள்ளார் பூபதிராஜா.
கர்ப்பத்தை கலைத்த பிறகு திருமணத்திற்கு மறுத்ததால் பூபதிராஜாவின் பெற்றோரிடம் அச்சிறுமி முறையிட்டுள்ளார். திருமணம் செய்து வைக்க இயலாது என்று கூறி அவர்கள் சிறுமியை மிரட்டியுள்ளனர்
இதற்கு பூபதிராஜாவின் நண்பர் சௌந்தரபாண்டியனும் உடந்தையாக இருந்ததாகக் கூறி, மதுரை தெற்கு அனைத்து மகளிர் காவல் நிலையத்தில் சிறுமி புகார் அளித்துள்ளார்.
அந்த புகாரின் பேரில் காவல்துறையினர், பூபதிராஜா, அவரது தந்தை துரை, தாய் சுசீலா, நண்பர் சௌந்தரபாண்டியன் ஆகிய நான்கு பேர் மீதும் போக்சோ சட்டத்தில் வழக்குப்பதிவு செய்து விசாரணை நடத்தி வருகின்றனர்.
