தஞ்சாவூர்: கும்பகோணம் அருகே திருபுவனம் பகுதியை சேர்ந்த பாமக பிரமுகரும், பாத்திரக்கடை நடத்தி வந்தவருமான ராமலிங்கம் என்பவரை கடந்த 2019ஆம் ஆண்டு பிப்ரவரி மாதம் ஒரு கும்பல் படுகொலை செய்தது.
மதமாற்றத்தை தட்டிக்கேட்டதற்காக ராமலிங்கம் கொலை செய்யப்பட்டதாக புகார் எழுந்தது. இந்தக் கொலை வழக்கு தொடர்பாக திருவிடைமருதூர் காவல்துறையினர் வழக்குப்பதிவு செய்து 12 பேரை கைது செய்தனர்.
மதமாற்றம் தொடர்பான விவகாரம் என்பதால் இந்த வழக்கானது தேசிய குற்றப்புலனாய்வு முகமைக்கு (என்.ஐ.ஏ) மாற்றம் செய்யப்பட்டது. இதையடுத்து வழக்குபதிவு செய்து தலைமறைவாக உள்ள ரஹ்மான் சாதிக், முகமது அலி ஜின்னா, அப்துல் மஜித், புர்ஹானுதீன், சாகுல் ஹமீது, நஃபீல் ஹாசன் ஆகிய 6 பேரை என்ஐஏவினர் தேடி வந்தனர்.
இவர்களை தேடப்படும் குற்றவாளியாக அறிவித்த என்ஐஏ, தகவல் கொடுப்பவர்களுக்கு 1 லட்சம் ரூபாய் பரிசு வழங்கபடும் என்றும் தெரிவித்தது. இந்நிலையில் இந்த வழக்கில் கடந்த இரண்டரை வருடங்களாக தேடப்பட்டு வந்த 11ஆவது குற்றவாளியாக குற்றஞ்சாட்டப்பட்ட திருபுவனம் பகுதியை சேர்ந்த ரஹ்மான் சாதிக்கை கைது செய்தனர்.
கைது செய்யப்பட்ட ரஹ்மான் சாதிக்கை என்ஐஏ அலுவலர்கள் பூந்தமல்லி நீதிமன்றத்தில் ஆஜர்படுத்துகின்றனர்.
இதையும் படிங்க: காட்பாடியில் முகமூடி கொள்ளை - ஆசிரியர் வீட்டில் கைவரிசை!
