மயிலையில் பெண்ணின் மண்டையை உடைத்து நகை பறிப்பு!

மயிலாடுதுறை மாவட்டம் தரங்கம்பாடி அருகே மீனவ கிராமத்தில் வீட்டிலிருந்த இளம் பெண்ணின் மண்டையை உடைத்து தங்க நகையை பறித்துச் சென்ற சம்பவம் பரபரப்பை ஏற்படுத்தியுள்ளது.

மயிலாடுதுறை: மயிலாடுதுறை மாவட்டம் தரங்கம்பாடி தாலுக்கா சின்னங்குடி மீனவ கிராமத்தைச் சேர்ந்தவர் சத்யராஜ். இவர், மீன்பிடிக்க கடலுக்கு சென்றிருந்த நிலையில், அவரது மனைவி செந்தமிழ்ச்செல்வி (25) நேற்றிரவு (மார்ச் 8) வீட்டின் பின்புறம் கிரைண்டரில் மாவு அரைத்து கொண்டிருந்துள்ளார்.

அப்போது, பின்னாலிருந்து வந்த அடையாளம் தெரியாத நபர், செந்தமிழ்செல்வியை தாக்கிவிட்டு அவர் அணிந்திருந்த ஆறு பவுன் தங்கச் சங்கிலியைப் பறித்துக் கொண்டு தப்பி ஓடியுள்ளார்.

படுகாயமடைந்த செந்தமிழ்ச்செல்வியை அக்கம்பக்கத்தினர் மீட்டு சிகிச்சைக்காக மயிலாடுதுறை அரசு மருத்துவமனையில் சேர்த்துள்ளனர். அங்கு அவருக்கு தலையில் ஏழு தையல் போடப்பட்டுள்ளது. இச்சம்பவம் குறித்து பொறையாறு காவல் துறையினர் விசாரணை மேற்கொண்டுவருகின்றனர்.

இதையும் படிங்க...கடம்பூர் மலைப்பகுதியில் நாட்டுத்துப்பாக்கி பறிமுதல்: இருவர் கைது!