வேலூர் : கருகம்புத்தூர் பகுதியை சேர்ந்த பெண் ஒருவர் தனது முதல் கணவர் இறந்த நிலையில், அதே பகுதியை சேர்ந்த மற்றொருவரை மறுமணம் செய்து வாழ்ந்து வந்துள்ளார்.
சிறுமி திருமணம்
இந்நிலையில், 14 வயது மகளை இரண்டாவது கணவரின் சகோதரர் லோகநாதன் (55) என்பவருக்கு கடந்த 3 மாதங்களுக்கு முன் திருமணம் செய்து வைத்துள்ளார்.
சிறுமி கருவுற்றதால் அதனை கலைக்க மருத்துவமனை சென்றுள்ளனர். இது குறித்து விருஞ்சிபுரம் காவல் நிலையத்தில் சமூக நலத்துறை அதிகாரிகள் புகார் அளித்துள்ளனர்.
இருவர் கைது
புகாரின் அடிப்படையில் வழக்கு பதிவு செய்த காவல் துறையினர் சிறுமிக்கு திருமணம் செய்து வைத்த தாய் மற்றும் முதியவர் லோகநாதன் ஆகிய இருவரை போக்சோ சட்டத்தின் கீழ் கைது செய்து சிறையில் அடைத்தனர். சிறுமி மீட்கப்பட்டு அரசு காப்பகத்தில் ஒப்படைக்கப்பட்டுள்ளார்.
இதையும் படிங்க :2ஆம் தவணை தடுப்பூசி: ஐந்து முக்கிய நகரங்களில் சென்னை முதலிடம்
