உதய் கைதைக் கண்டித்து போராட்டம் நடத்தியவர்கள் கைது!

திமுக இளைஞரணி செயலாளர் உதயநிதி ஸ்டாலின் கைதை கண்டித்து வேலூரில் சாலை மறியலில் ஈடுபட்ட சட்டப்பேரவை உறுப்பினர் உள்பட தி.மு.கவினர் 30க்கும் மேற்பட்டோர் கைது செய்யப்பட்டனர்.

வேலூர்: அனுமதியின்றி போராட்டம் நடத்திய திமுகவினர் கைது செய்யப்பட்டு, பின்னர் விடுவிக்கப்பட்டனர்.

தி.மு.க இளைஞரணி செயலாளர் உதயநிதி ஸ்டாலின் திருக்குவளையில் நேற்று(நவ. 20) அனுமதியின்றி தேர்தல் பரப்புரையை மேற்கொண்டதற்காக கைது செய்யப்பட்டார்.

இதனை கண்டித்து நேற்று (நவ. 20) வேலூர் தெற்கு காவல் நிலையம் எதிரில் அண்ணா சாலையில் மறியலில் ஈடுபட்ட வேலூர் சட்டப்பேரவை உறுப்பினர் பா.கார்த்திகேயன் உள்பட சுமார் 30 தி.மு.கவினர் காவல் துறையினரால் கைது செய்யப்பட்டு பின்னர் விடுவிக்கப்பட்டனர்.