திருச்சி: துவாக்குடி வடக்கு மலையில் ஊராட்சி ஒன்றிய நடுநிலைப்பள்ளி உள்ளது. இந்த பள்ளியில் 300-க்கும் மேற்பட்ட மாணவ-மாணவிகள் படித்து வருகின்றனர். தமிழ்நாடுஅரசின் வழிகாட்டுதலின்படி, பள்ளி மேலாண்மை குழு மறு கட்டமைப்பு கூட்டம் நடைபெற்றது. இந்த கூட்டத்திற்கு வட்டார கல்வி அலுவலர் ரெஜி பெஞ்சமின் தலைமை வகித்தார்.
திருவெறும்பூர் தனி வட்டாட்சியர் கண்ணன் தேர்தல் பார்வையாளராகக் கலந்து கொண்ட இக்கூட்டத்தில் புதிய உறுப்பினர்கள் தேர்ந்தெடுப்பதற்கானத் தேர்தல் நடைபெற்றது. இதில் வாக்கெடுப்பு முறையில் புதிய நிர்வாகிகள் தேர்ந்தெடுக்கப்பட்டனர். அவ்வாறு தேர்வான பள்ளி மேலாண்மை குழு தலைவர், துணை தலைவர் மற்றும் உறுப்பினர்களுக்கு சான்றிதழ்களும் வழங்கப்பட்டன. புதிய உறுப்பினர்கள் அனைவரும் உறுதிமொழி எடுத்துக்கொண்டனர்.
இதையும் படிங்க: சதுரங்க விளையாட்டில் சாதிக்கத் துடிக்கும் பள்ளி மாணவன்!
