’டிக்கெட் கொடுப்போம், பஸ்ச நிறுத்த மாட்டோம்’ - நிறுத்தி கெத்து காட்டிய சட்டக் கல்லூரி மாணவி!

திருச்சியில் பேருந்தில் பயணித்த மாணவியை அவரது நிறுத்ததில் இறங்கி விட மறுத்ததால், தனது உறவினர்களுக்கு தகவல் கொடுத்து இறங்க வேண்டிய நிறுத்தத்திலேயே பேருந்தை நிறுத்தி இறங்கி சென்றார்.

திருச்சி: மணப்பாறை அடுத்த நடுப்பட்டியைச் சேர்ந்தவர் நித்யா தேவி.இவர் திருச்சியில் உள்ள சட்டக் கல்லூரியில் நான்காம் ஆண்டு பயின்று வருகிறார். இந்நிலையில் நேற்று(ஜூலை.22) மாலை தேர்வு முடிந்து வீட்டிற்கு வருவதற்காக திருச்சி மத்திய பேருந்து நிலையத்தில் வேளாங்கண்ணியிலிருந்து பழனி செல்லும் TN 65 N- 1216 அரசு பேருந்தில் ஏறி நடுப்பட்டி-க்கு பயணச்சீட்டு வாங்கியுள்ளார்.

இதனையடுத்து பேருந்து பொன்னம்பலம் பட்டி சுங்கச்சாவடி அருகே சென்ற போது, நடுப்பட்டியில் பேருந்து நிற்காது. அதனால் அய்யலூரில் இறங்கிக் கொள்ளுங்கள் என நடத்துனர் மீனாட்சி சுந்தரம் மாணவியிடம் தெரிவித்துள்ளார்.