திருச்சி: 3 வேளாண் சட்டங்களையும் திரும்பப்பெற வேண்டும் உள்ளிட்ட பல்வேறு கோரிக்கைகளை வலியுறுத்தி தேசிய தென்னிந்திய நதிகள் விவசாய சங்கத்தின் மாநில தலைவர் அய்யாக்கண்ணு தலைமையில் கடந்த 38 நாள்களாக உண்ணாவிரத போராட்டத்தில் விவசாயிகள் ஈடுபட்டு வந்தனர்.
இந்நிலையில், 3 வேளாண் சட்டங்களையும் வாபஸ் பெறுவதாக பிரதமர் நரேந்திர மோடி இன்று (நவ 19) அறிவித்த நிலையில் தங்களது போராட்டத்தை முடித்துக் கொண்டனர். இது குறித்து அய்யாக்கண்ணு கூறுகையில், வேளாண் சட்டங்களை திரும்பப் பெற்றாலும் முன்னரே சொன்னது போல் விவசாய விளைபொருள்களுக்கு இருமடங்கு விலை வழங்க வேண்டும் எனக் கூறினார்.
பின்னர், உண்ணாவிரத போராட்டத்தைக் கைவிட்ட அய்யாக்கண்ணு தலைமையிலான குழுவினர், பட்டாசு வெடித்தும், இனிப்பு வழங்கியும் தங்களது மகிழ்ச்சியை வெளிப்படுத்தினர். பிரதமர் நரேந்திர மோடி முகமூடி அணிந்த விவசாயி ஒருவருக்கு அய்யாக்கண்ணு மாலை அணிவித்து நன்றி கூறினார்.
இதையும் படிங்க:Farm Laws: வேளாண் சட்டங்களை திரும்பப் பெற மத்திய அரசு முடிவு
