தமிழ்நாடு அரசின் சார்பில் நடத்தப்பட்டுவரும் மதுபானக் கடைகளில் சமீபகாலமாகவே கொள்ளைச் சம்பவங்கள் நடந்த வண்ணம் உள்ளன. இதை தடுத்து நிறுத்த இன்று சேலத்தில் நடந்த ஆர்ப்பாட்டத்தில் தமிழ்நாடு அரசு டாஸ்மாக் பணியாளர் சங்கத்தின் மாநில செயலாளர் முருகேசன், மாநில பிரசார செயலாளர் சுகமதி உள்ளிட்டோர் கலந்துகொண்டனர்.
"தமிழ்நாடு அரசு மதுபான நிறுவனமான டாஸ்மாக்கில் சட்டத்திற்குப் புறம்பாக நடைபெறும் கொள்ளைகளைத் தடுத்து நிறுத்தவும், ஒரு மாவட்டத்தின் மேலாளர் இன்னொரு மாவட்டத்திற்கு சென்று ஆய்வு செய்வதை தடுக்கவும், மாதாந்திர லஞ்சம் கொடுக்கவில்லை என்றால் டாஸ்மாக் பணியாளர்களை அடிக்கடி மேல் அதிகாரிகள் இடம் மாற்றுவதை தடுக்கவும் நடவடிக்கை எடுக்க வேண்டும்” உள்ளிட்ட கோரிக்கைகள் இந்த ஆர்ப்பாட்டத்தில் வலியுறுத்தப்பட்டன.
