ஆவணங்களின்றி எடுத்துச் செல்லப்பட்ட ரூ. 10 லட்சம் - பறிமுதல் செய்த பறக்கும் படை

சேலம் அருகே காவல் துறையினர் வாகனத்தணிக்கையின்போது உரிய ஆவணங்களின்றி காரில் எடுத்துச்செல்லப்பட்ட ரூபாய் 10 லட்சம் பறிமுதல் செய்யப்பட்டது.

சேலம்: நகர்ப்புற உள்ளாட்சித்தேர்தல் வரும் 19ஆம் தேதி நடைபெற உள்ள நிலையில், வாக்காளர்களுக்குப் பணம், பரிசுப் பொருட்கள் வழங்குவதைத் தடுக்க 63 பறக்கும் படைகள் அமைக்கப்பட்டு ஆங்காங்கே வாகனத் தணிக்கை நடைபெற்று வருகிறது.

இந்த நிலையில் சேலம் மாநகராட்சி எல்லையான புதுரோடு பகுதியில், வட்டாட்சியர் அறிவுடைநம்பி தலைமையில் பறக்கும் படையினர் வாகன சோதனையில் ஈடுபட்டிருந்தனர். அப்போது அவ்வழியே வந்த கார் ஒன்றை நிறுத்தி சோதனை செய்தபோது, அதில் உரிய ஆவணங்கள் இல்லாமல் ரூபாய் 10 லட்சம் இருந்தது தெரியவந்தது.