மகாத்மா காந்தியின் 150ஆவது பிறந்த நாள் விழாவை முன்னிட்டு, புதுடெல்லியில் உள்ள காந்தியின் தேசிய அருங்காட்சியகம் மூலம் காந்தி பற்றிய புத்தகங்கள், குறும்படங்கள், அரிய வகைப் புகைப்படங்கள் அடங்கிய 16 ஜிபி கொண்ட பென் டிரைவ் கடந்த அக்டோபர் 2ஆம் தேதி அறிமுகம் செய்யப்பட்டது.
தற்போது நாடு முழுவதும் உள்ள காந்திய ஆராய்ச்சி மையங்களில் இந்த பென் டிரைவ் ரூபாய் 100 என்ற விலைக்கு விற்பனை செய்யப்பட்டு வருகிறது. மதுரையில் உள்ள காந்தி நினைவு அருங்காட்சியகத்திலும்; இந்த பென் டிரைவ் அருங்காட்சியக நிர்வாகத்தால் விற்பனை செய்யப்பட்டு வருகிறது.
ஆங்கிலம், இந்தி மொழிகளில் வெளியிடப்பட்டு விற்பனை செய்யப்பட்டு வந்த இந்த பென்டிரைவ் தற்போது முதல்முறையாக தமிழிலும் விற்பனை செய்யப்படுவது குறிப்பிடத்தக்கது. காந்தியடிகள் எழுதிய புத்தகங்கள், பாடல்கள், அவரின் பயணப் புகைப்படங்கள், காந்தியின் மேடைப்பேச்சு காணொலிகள் இவையெல்லாம் இந்த பென் டிரைவில் இடம்பெற்றுள்ளன.
இதையும் படிங்க:
