ஈரோடு மாவட்டத்தில் கடந்த வாரம் சாலையோர கடையில் பானி பூரி சாப்பிட்ட எம்சிஏ பட்டதாரி ரோகிணி தேவி (34) திடீரென உயிரிழந்தார். இதனால் மாவட்ட தெற்கு காவல் துறையினர் வழக்குப்பதிவு விசாரணை நடத்திவருகின்றனர்.
முன்னதாக, செப்.19ஆம் தேதி சென்னை பட்டரைவாக்கம் பகுதியில் இளைஞர்கள் அவ்வழியே சென்ற பானிபூரி விற்பனையாளரிடம் பானிபூரி வாங்கி உண்டனர். அப்போது பானி பூரியில் புழு இருந்தது தெரியவந்தது.
தமிழ்நாட்டில் இப்படி இருக்க அசாம் மாநிலம் கெளஹாத்தியில் பானிபூரிக்கு பயன்படுத்தப்படும் தண்ணீரில் உரிமையாளர் சிறுநீரை கலந்த சம்பவம் அதிர்ச்சியை ஏற்படுத்தியுள்ளது.
இதுபோல அண்மை காலமாக பானி பூரி பெரும் சர்ச்சை கிளம்பிவருகிறது. இதனால், உணவுப் பாதுகாப்பு அலுவலர்கள், பெரும்பாலான சாலையோர கடைகளில் சோதனை நடத்த ஆரம்பித்துவிட்டனர்.
