ஈரோடு மாவட்டம் சத்தியமங்கலம் அடுத்த பவானிசாகர் அணைக்கு மாயாறு, பாவனி ஆறு முக்கிய நீர்வரத்தாக உள்ளது. இதில் மாயாற்றிலும், பாவனி ஆற்றிலும் தற்போது வெள்ளப்பெருக்கு ஏற்பட்டுள்ளதால் அணைக்கு நீர்வரத்து அதிகரித்துள்ளது.
இந்த வெள்ளப்பெருக்கு காரணமாக தெங்குமரஹாடா வனப்பகுதியில் இருந்து அடித்து வரப்பட்ட மரம், செடி, கொடிகள் அணைக்கரையில் தேங்கி நிற்கின்றன. இந்நிலையில் அணைப்பணியாளர்கள் இன்று ரோந்து பணியில் ஈடுபட்டபோது அணையின் கிழக்கு நீர்பிடிப்பு பகுதியில் 60 வயது மதிக்கத்தக்க ஆண்சடலம் கரை ஒதுங்கியிருப்பது தெரியவந்தது.
இது குறித்து அணை உதவி செயற்பொறியாளர் சிங்காரவடிவேலு பவானிசாகர் காவல்நிலையத்திற்கு தகவல் தெரிவித்தார். தகவலறிந்து வந்த காவல்துறையினர் சடலத்தைக் கைப்பற்றி விசாரித்து வருகின்றனர். சடலம் அழகிய நிலையில் இருப்பதால் அணைப்பகுதியிலே உடற்கூறாய்வு செய்ய காவல்துறையினர் ஏற்பாடு செய்து வருகின்றனர்.
