பேரறிஞர் அண்ணாவின் 51ஆவது நினைவு தினத்தையொட்டி பல்வேறு இடங்களிலும் அதிமுக, திமுக ஆகிய கட்சிகளைச் சார்ந்த கட்சித் தொண்டர்கள் அண்ணாவின் உருவப்படத்திற்கு மாலை அணிவித்து மரியாதை செலுத்தினர்.
கோவை:
கோவை மாவட்டத்தில் அண்ணா நினவு தினத்தையொட்டி சிங்காநல்லூர் திமுக சட்டப்பேரவை உறுப்பினர் கார்த்திக் தலைமையில், திமுக தொண்டர்கள் 100க்கும் மேற்பட்டோர் அமைதி ஊர்வலத்தில் பங்கேற்றனர். இந்த அமைதி ஊர்வலமானது கோவை வீகேகே மேனன் சாலையிலிருந்து சித்தாபுதூர் வழியாக, காந்திபுரம் அண்ணா சிலை வரை நடைபெற்றது.
ஈரோடு:
அறிஞர் அண்ணாவின் 51ஆவது நினைவு தினத்தை முன்னிட்டு ஈரோடு மாவட்டம் பன்னீர் செல்வம் பூங்காவிலுள்ள அவரது சிலைக்கு, ஈரோடு கிழக்கு தொகுதியின் அதிமுக எம்எல்ஏ தென்னரசு மாலை அணிவித்து மரியாதை செலுத்தினர்.
மேலும் திமுக உள்ளிட்ட பல்வேறு கட்சியினர், பல்வேறு சமூக அமைப்பினரும் அண்ணாவின் சிலைக்கு மாலை அணிவித்து மரியாதை செலுத்தி வருகின்றனர்.
இதையும் படிங்க: மாணவர்கள் போராட தடைவிதிக்க வேண்டி மனு: அரசு பதிலளிக்க உத்தரவு
