சென்னை முகப்பேர் மேற்கு போலீஸ் பூத் அருகே நேற்று இரவு அம்பத்தூர் தேர்தல் பறக்கும் படை அதிகாரி பத்மநாதன் மற்றும் நொளம்பூர் காவல்துறையினர் வாகன சோதனையில் ஈடுபட்டிருந்தனர். அப்போது அந்த வழியாக அதிமுக கொடியுடன் வந்த இனோவா காரை, தேர்தல் பறக்கும் படையினர் தடுத்து நிறுத்தினர்.
இதனால் ஆத்திரமடைந்த காரில் இருந்த முகப்பேர் மேற்கு பகுதியைச் சேர்ந்த அதிமுக பிரமுகர் தேவ நீதி (49) என்பவர், தேர்தல் அலுவலர் பத்மநாதனை தாக்க முயன்றுள்ளார்.
innova
அப்போது, அவர் குடிபோதையில் இருந்ததால் விவகாரம் பெரிதாகக் கூடும் என, கணித்த உடனிருந்த காவல்துறையினர் அவரை தப்பித்து செல்லும்படி கண் காட்டியதாக கூறப்படுகிறது. அவரை தப்பவிட்ட கார் ஓட்டுநர் ஸ்ரீதரை மட்டும் காவல்துறையினர் கைது செய்துள்ளனர். இந்த சம்பவம் அப்பகுதியில் சிறிது நேரம் பரபரப்பை ஏற்படுத்தியது.
