சென்னை தியாகராய நகரில் உள்ள மார்க்சிஸ்ட் கம்யூனிஸ்ட் கட்சி அலுவலகத்தில் மாநில செயலாளர் பாலகிருஷ்ணன் செய்தியாளர்களிடம் பேசுகையில், ’மார்க்சிஸ்ட் கம்யூனிஸ்ட் கட்சி சார்பில் திமுக கூட்டணியில் போட்டியிட உள்ள 6 வேட்பாளர்களை அறிவித்தார். நாகப்பட்டினம் மாவட்டம் கீழ்வேளூர் சட்டப்பேரவைத் தொகுதியில் முன்னாள் சட்டப்பேரவை உறுப்பினர் நாகை மாலியும், திருப்பரங்குன்றம் தொகுதியில் எஸ்.கே.பொன்னுத்தாய்யும், கோவில்பட்டியில் கே சீனிவாசனும், கந்தர்வகோட்டை தனித்தொகுதியில் எம் சின்னத்துரையும், அரூர் தனி தொகுதியில் ஏ.குமார் மற்றும் திண்டுக்கல் தொகுதியில் என்.பாண்டி ஆகியோரை வேட்பாளராக அறிவித்தார்.
மேலும், அதிமுக பாஜக கூட்டணி வருகிற சட்டமன்ற தேர்தலில் படுதோல்வி அடையும். திமுக தலைமையில் ஆட்சி அமையும். அடுத்த இரு தினங்களில் தேர்தல் அறிக்கை வெளியிடப்படும். தமிழ்நாட்டில் பரப்புரை செய்ய அகில இந்திய தலைவர்களாகன சீதாராம் யெச்சூரி, பிரகாஷ் காரத், பிருந்தா காரத், மாணிக் சர்க்கார் உள்ளிட்ட கட்சி தலைவர்கள் வரவிருக்கிறார்கள்.
இதையும் படிங்க: 1996 தேர்தல்! - மொடக்குறிச்சியால் விழி பிதுங்கிய தேர்தல் ஆணையம்!
