சென்னை: இது குறித்து தமிழ்நாடு தேர்தல் ஆணையம் கூறுகையில், "தமிழ்நாட்டில் உள்ள 21 மாநகராட்சிகள், 138 நகராட்சிகள், 490 பேரூராட்சிகள் என மொத்தம் 649 நகர்ப்புற உள்ளாட்சி அமைப்புகளுக்கும், மொத்தம் 12 ஆயிரத்து 838 வார்டு உறுப்பினர்களைத் தேர்ந்தெடுப்பதற்கான தேர்தல் அட்டவணையினை ஜனவரி 26 அன்று தமிழ்நாடு மாநில தேர்தல் ஆணையம் வெளியிட்டுள்ளது.
அதன்படி, நகர்ப்புற உள்ளாட்சி சாதாரண தேர்தல்கள் வரும் 19 அன்று ஒரே கட்டமாக நடைபெறவுள்ளது. மாநகராட்சி வார்டு உறுப்பினர், நகராட்சி வார்டு உறுப்பினர், பேரூராட்சி வார்டு உறுப்பினர் பதவிகளுக்கு ஜனவரி 28 முதல் இறுதி நாளான பிப்ரவரி 4 வரை மொத்தம் 74.416 வேட்புமனுக்கள் பெறப்பட்டுள்ளன.
தூத்துக்குடி மாவட்டம், கடம்பூர் முதல்நிலைப் பேரூராட்சியில் தேர்தல் நடத்தும் அலுவலர் / உதவி தேர்தல் நடத்தும் அலுவலர்கள் தேர்தல் விதிமுறையைப் பின்பற்றாமல் இருந்ததால், தூத்துக்குடி மாவட்டத் தேர்தல் அலுவலகம் மாவட்ட ஆட்சியர், மாவட்ட தேர்தல் பார்வையாளர் ஆகியோரின் அறிக்கையின்படி, தூத்துக்குடி மாவட்டம், கடம்பூர் முதல்நிலை பேரூராட்சியில் 33 வேட்புமனுக்கள் பெறப்பட்டது.
இந்நிலையில், அனைத்து 12 வார்டு உறுப்பினர் பதவியிடங்களுக்கான தேர்தல் ரத்துசெய்யப்பட்டது. மொத்தமுள்ள 648 நகர்ப்புற உள்ளாட்சியில் மொத்தம் 2,062 வேட்புமனுக்கள் உரிய பரிசீலனைக்குப் பின் நிராகரிக்கப்பட்டன. 14 ஆயிரத்து 324 வேட்பாளர்கள் தங்களது வேட்புமனுக்களைத் திரும்பப் பெற்றுக்கொண்டனர்.
218 பதவியிடங்களுக்கு 218 லேட்பாளர்கள் போட்டியின்றித் தேர்ந்தெடுக்கப்பட்டுள்ளனர். சிவகங்கை மாவட்டம் கானாடுகாத்தான் பேரூராட்சி வார்டுடில் பதவியிடத்திற்கு வேட்புமனுக்கள் எதுவும் தாக்கல்செய்யப்படவில்லை. இறுதியாக மொத்தம் 12 ஆயிரத்து 607 இடங்களுக்கு மொத்தம் 57 ஆயிரத்து 778 வேட்பாளர்கள் போட்டியிடுகின்றனர்" என்றது.
இதையும் படிங்க: உள்ளாட்சித் தேர்தல்: 10,12 ஆம் வகுப்பு திருப்புதல் தேர்வு தேதியில் மாற்றம்!
