சென்னை: பள்ளிக்குழந்தைகளுக்கான முதலமைச்சரின் காலை உணவுத்திட்டத்தை முதலமைச்சர் மு.க.ஸ்டாலின் இன்று(செப்.15) மதுரையில் தொடங்கி வைத்தார். இது தொடர்பான நிகழ்ச்சி மதுரை கீழ அண்ணாதோப்புப் பகுதியில் அமைந்துள்ள ஆதிமூலம் மாநகராட்சி தொடக்கப்பள்ளியில் நடைபெற்றது.
இந்நிலையில் அரசுப்பள்ளி மாணவர்களுக்கான காலை உணவு மெனுவில்:
- திங்களன்று அரிசி, ரவை, சேமியா, கோதுமை ரவை ஆகியவற்றில் ஏதேனும் ஒன்றில் உப்புமா மற்றும் காய்கறி சாம்பார் தர ஏற்பாடு செய்யப்பட்டுள்ளது;
- செவ்வாய்தோறும் ரவை, சேமியா, சோளம், கோதுமை ஆகியவற்றில் ஏதேனும் ஒன்றில் காய்கறி கிச்சடி செய்து தரப்படும்;
- புதன்தோறும் மாணவர்களுக்கு வெண்பொங்கல் அல்லது ரவை பொங்கல் மற்றும் காய்கறி சாம்பார் வழங்கப்பட உள்ளது;
- வியாழக்கிழமைகளில் அரிசி, ரவை, சேமியா, கோதுமை ஆகியவற்றில் ஏதேனும் ஒன்றில் உப்புமா மற்றும் காய்கறி சாம்பார் தரப்படும்;
- வெள்ளிக்கிழமைகளில் ரவை, சோளம், கோதுமை ரவை ஆகியவற்றில் ஏதேனும் ஒன்றில் காய்கறி கிச்சடி மற்றும் ரவை கேசரி, சேமியா கேசரி தரப்படும்.
மேற்குறிப்பிட்ட உணவுகள் மாணவர்களுக்கு அளிக்கப்படவுள்ளன எனத் தெரிவிக்கப்பட்டுள்ளது.
இதையும் படிங்க: காலை உணவுத் திட்டம்: சலுகை, தர்மம், இலவசம் என யாரும் எண்ணக்கூடாது - முதலமைச்சர் ஸ்டாலின்
