சென்னை: மக்கள் நீதி மய்யத்தின் தலைவர் கமல்ஹாசன் தன் மூன்றாம் கட்ட தேர்தல் பரப்புரையை நாளை திருச்சியிலிருந்து தொடங்குகிறார்.
மக்கள் நீதி மய்யம் கட்சியின் தலைவர் கமல்ஹாசன், வரும் தமிழ்நாடு சட்டப்பேரவை தேர்தலுக்காக "சீரமைப்போம் தமிழகத்தை" என்ற பெயரில் பரப்புரை செய்து வருகிறார். முதல் கட்டப் பரப்புரையை டிச.,13ஆம் தேதி தென்தமிழ்நாட்டிலிருந்து தொடங்கிய கமல்ஹாசன், இரண்டாம் கட்ட பரப்புரையை டிச.20ஆம் தேதி காஞ்சிபுரம், விழுப்புரம் மண்டலங்களில் மேற்கொண்டார். இந்த நிலையில், கமல்ஹாசன் தனது மூன்றாம் கட்ட பரப்புரையை நாளை மாலை தொடங்கி 30ஆம் தேதி வரை நான்கு நாட்கள் பரப்புரை மேற்கொள்ளுகிறார்.
இதுகுறித்து அக்கட்சியின் சார்பில் வெளியிட்டுள்ள செய்திக்குறிப்பில், வரும் 27ஆம் தேதி மாலையில் திருச்சியில் கமல்ஹாசன் பரப்புரை செய்கிறார். 28ஆம் தேதி தஞ்சாவூர் வேளாங்கண்ணி பகுதிகளிலும், 29ஆம் தேதியில், நாகப்பட்டினம், மயிலாடுதுறை, கும்பகோணம், புதுக்கோட்டை பகுதிகளிலும், 30ஆம் தேதி திருமயம், திருப்பத்தூர், திருவாடானை, பரமகுடி பகுதிகளில் பரப்புரை மேற்கொள்கிறார் எனத் தெரிவிக்கப்பட்டுள்ளது.
இதையும் படிங்க: ஜல்லிக்கட்டு போட்டிக்கான வழிகாட்டு நெறிமுறைகள்! - தமிழக அரசு வெளியீடு!
