தமிழ்நாடு அரசின் முடிவினை எதிர்த்து ஜாக்டோ ஜியோ அமைப்பினர் தீர்மானம்

சென்னை: ஆசிரியர் தகுதி தேர்வு எழுதாத ஆசிரியர்களை பணி நீக்கம் செய்ய வேண்டும் என்ற தமிழ்நாடு அரசின் முடிவுக்கு எதிர்ப்பு தெரிவித்து ஜாக்டோ ஜியோ அமைப்பினர் தீர்மானம் நிறைவேற்றியுள்ளனர்.

ஜாக்டோ ஜியோ

Published : May 7, 2019, 5:02 PM IST

இது குறித்து சென்னையில் நடந்த செய்தியாளர் சந்திப்பில் பேசிய ஜாக்டோ ஜியோ ஒருங்கிணைப்பாளர் சுப்பிரமணியன் பேசும்போது, “ முறைப்படி தமிழ்நாடு அரசு டெட் தேர்வை 18 முறை நடத்திருக்க வேண்டும். ஆனால் இதுவரை 4முறை மட்டுமே தேர்வினை நடத்தியுள்ளது. எனவே அவர்களின் பணிநீக்க செய்யும் நடவடிக்கையை மறுபரிசீலனை செய்ய வேண்டும்.

அரசு ஊழியர்கள், ஆசிரியர்களுக்கு 3 சதவிகித அகவிலைப்படியை மத்திய அரசு அறிவித்த பின்னரும் மாநில அரசு வழங்கவில்லை. ஜாக்டோ ஜியோ போராட்டத்தின் போது எடுக்கப்பட்ட நடவடிக்கைகள் அனைத்தும் நிலுவையில் உள்ளது. அதுமட்டுமின்றி பதவி உயர்வு, பணி ஓய்வு அனைத்தும் நிறுத்தி வைக்கப்பட்டுள்ளது.

இந்த மாதம் 26ஆம் தேதிக்குள் தமிழ்நாடு அரசு எங்களது தீர்மானங்களுக்கு நடவடிக்கை எடுக்க வேண்டும், இல்லையென்றால் 27ஆம் தேதி ஜாக்டோ ஜியோ ஒருங்கிணைப்பளர்கள் கூட்டம் கூடி அடுத்தக்கட்ட நடவடிக்கையை எடுக்கும் என்று ஜாக்டோ ஜியோ அமைப்பின் ஒருங்கிணைப்பாளர் தெரிவித்தார்.

ஆசிரியர் தகுதி தேர்வு எழுதாத ஆசிரியர்கள் பணி நீக்கம் செய்ய வேண்டும் என்ற அரசின் முடிவுக்கு எதிர்ப்பு தெரிவித்து ஜாக்டோ ஜியோ அமைப்பினர் இன்று தீர்மானம் நிறைவேற்றி உள்ளனர்.

இது குறித்து சென்னையில் இன்று நடந்த செய்தியாளர் சந்திப்பில் பேசிய ஜாக்டோ ஜியோ ஒருங்கிணைப்பாளர் சுப்பிரமணியன், “ தமிழகத்தில் 1500 ஆசிரியர்கள் டெட் தேர்வு எழுதவில்லை என்று அவர்கள் மீது நடவடிக்கை எடுக்க வேண்டும் அவர்களுக்கு ஏப்ரல் மாதம் சம்பளம் வழங்கப்படாது என்ற அறிவிப்பை இன்று நடந்த ஜாக்டோ ஜியோ ஒருங்கிணைப்பாளர் கூட்டத்தில் விவாதித்தோம்.

முறைப்படி பார்த்தால் தமிழக அரசு டெட் தேர்வை 18 முறை நடத்திருக்க வேண்டும். ஆனால் இதுவரை நான்கு முறை மட்டுமே தேர்வு நடத்தப்பட்டுள்ளது. 18 முறை நடத்தியிருந்தால் இந்த 1500 பேரும் டெட் தேர்வு எழுதி தேர்ச்சி அடைந்திருப்பார்கள். இது அரசின் கடமை. எனவே அவர்களின் பணிநீக்க செய்யும் நடவடிக்கையை மறுபரிசீலனை செய்ய வேண்டும். இதற்கு முன்பு இருந்த டெட் தேர்வு எழுதாத ஆசிரியர்களுக்கு விதிவிலக்கு கொடுக்கப்பட்டு அவர்களை நிரந்தரம் செய்தார்கள். எனவே இந்த 1500 ஆசிரியர்களுக்கும் விதிவிலக்கு கொடுக்க வேண்டும் என்று தீர்மானம் நிறைவேற்றி அரசு செயலரை சந்திக்க இருக்கிறோம். மேலும் அவர்களுக்கு ஏபரல் மாதம் சம்பளம் வழங்கப்படாததால் வறுமையில் தவிக்கின்றனர். எனவே உடனடியாக அவர்களுக்கு சம்பளம் வழங்க வேண்டும். 18 முறை தேர்வு நடத்தப்படாததால் ஆசிரியர்களுக்கு ஆதரவாக பள்ளிக்கலவித் துறை இந்த விவகாரத்தில் மேல்முறையீடு செய்ய வேண்டும்.

அரசு ஊழியர்கள், ஆசிரியர்களுக்கு 3 சதவிகித அகவிலைப்படியை மத்திய அரசு அறிவித்த பின்னரும் மாநில அரசு வழங்கவில்லை. 6 மாதத்துக்கு ஒரு முறை வழங்கப்பட வேண்டும் என்பது ஒப்பந்தம். எனவே இந்த 3 சதவிகித அகவிலைப்படியை அரசு உடனடியாக வழங்க வேண்டும் என்றூ தீர்மானம் நிறைவேற்றப்பட்டுள்ளது.

ஜாக்டோ ஜியோ போராட்டத்தின் போது எடுக்கப்பட்ட நடவடிக்கைகள் அனைத்தும் நிலுவையில் உள்ளது. குறிப்பாக அரசு கல்லூரி ஆசிரியர்கள் பழிவாங்கப்பட்டு மாவட்டம் விட்டு மாவட்டம் பணி மாறுதல் நிகழ்வு நடத்தப்பட்டுள்ளாது. அதுமட்டுமின்றி பதவி உயர்வு, பணி ஓய்வு எல்லாம் நிறுத்தி வைக்கப்பட்டுள்ள்து. அர்சாங்கத்தோடு பேச்சுவார்த்தை நடத்தி முடித்த பின்னரும் இந்த நடவடிக்கைகள் ரத்து செய்யப்படவில்லை. இவை அனைத்தும் ரத்து செய்யப்பட வேண்டும் என்று தீர்மானம் நிறைவேற்றப்பட்டுள்ளது.

இந்த மூன்று தீர்மானங்களையும் நிறைவேற்ற வேண்டும் என்று அரசிடம் முறையிட உள்ளோம். இந்த மாதம் 26 ஆம் தேதிக்குள் இந்த மூன்று தீர்மானங்களின் மீது நடவடிக்கை எடுக்க வேண்டும். அப்படி இல்லையென்றால் 27 ஆம் தேதி ஜாக்டோ ஜியோ ஒருங்கிணைப்பளர்கள் கூட்டம் கூடி அடுத்தக்கட்ட நடவடிக்கையை எடுக்கும்” என்று தெரிவித்தார்.

For All Latest Updates