சென்னை பன்னாட்டு விமான நிலையத்தின் அஞ்சல் சரக்ககப் பிரிவுக்கு வெளிநாட்டிலிருந்து பெருமளவில் போதைப்பொருள் கடத்திவரப்படுவதாக விமான நிலைய சுங்கத் துறை அலுவலர்களுக்குத் தகவல் கிடைத்தது.
அதனடிப்படையில் அலுவலர்கள் அஞ்சல் சரக்ககப் பிரிவில் தீவிர சோதனையில் ஈடுபட்டனர். அப்போது ஜெர்மனி நாட்டிலிருந்து சென்னை முகவரிக்கு வந்த வாழ்த்து அட்டை பார்சலில் வந்த போதை மாத்திரைகள் பறிமுதல்செய்யப்பட்டன.
முதல்கட்ட தகவலில் போதை மாத்திரைகளின் மதிப்பு ஐந்து லட்சம் ரூபாய் இருக்கும் என்பதும், அனுப்பப்பட்ட முகவரி போலியானது என்பதும் தெரியவந்துள்ளது. மேலும் விசாரணை நடைபெற்றுவருகிறது.
இதையும் படிங்க வண்ணாரப்பேட்டையில் போதை மாத்திரை விற்ற மூவர் கைது!
