குழந்தையின் கழுத்தை அறுத்துக் கொலை செய்த கொடூர தந்தை!

தன் ஏழு வயது பெண் குழந்தையின் கழுத்தை அறுத்துக் கொலை செய்த தந்தையை காவல் துறையினர் தேடி வருகின்றனர்.

சென்னை: வில்லிவாக்கம், செங்குன்றம் சாலை 5ஆவது தெரு பகுதியில் லாவண்யா என்பவர் வசித்து வருகிறார். இவருக்கு இரண்டு பெண் குழந்தைகள் உள்ளனர்.

செவிலியராக பணியாற்றி வரும் லாவண்யா, தனது கணவர் ராதாகிருஷ்ணனுடன் எற்பட்ட கருத்து வேறுபாடு காரணமாக கடந்த ஆறு மாதங்களாக அவரைப் பிரிந்து, தனது இரண்டு மகள்களுடன் தனியாக வசித்து வருகிறார்.

இந்நிலையில், வழக்கம்போல லாவண்யா நேற்றிரவு குழந்தைகளை வீட்டில் விட்டுவிட்டு இரவு பணிக்குச் சென்றுள்ளார். இதனையடுத்து, அவரது வீட்டுக்கு இன்று (அக்.31) வந்த ராதாகிருஷ்ணன், காய்கறி நறுக்க பயன்படுத்தப்படும் கத்தியை எடுத்து, தனது ஏழு வயது மகளான வதனா ஸ்ரீயின் கழுத்தை அறுத்துள்ளார்.

இந்நிலையில், ரத்த வெள்ளத்தில், கதறிய குழந்தையின் கதறல் சத்தம் கேட்டு, அக்கம்பக்கத்தினர் ஓடி வருவதைக் கண்ட ராதாகிருஷ்ணன் அங்கிருந்து தப்பித்து தலைமறைவானார்.

அதனைத் தொடர்ந்து, வீட்டுக்குச் சென்ற அக்கம்பக்கத்தினர் சிறுமியை மீட்டு மருத்துவமனைக்கு அழைத்துச் சென்றனர். ஆனால், செல்லும் வழியிலேயே சிறுமி உயிரிழந்தார். இந்நிலையில் இச்சம்பவம் குறித்து வழக்குப்பதிவு செய்த வில்லிவாக்கம் காவல் துறையினர் ராதாகிருஷ்ணனை தேடி வருகின்றனர்.

இதையும் படிங்க:ரஜினிகாந்த் உடல்நிலை: நேரில் சென்று நலம் விசாரித்த முதலமைச்சர்!