அமித்ஷா சென்னை வருகை
மத்திய உள்துறை அமைச்சர் அமித்ஷா இன்று நண்பகல் சென்னை வருகை தரவுள்ளார். அரசு நிகழ்ச்சிகளில் பங்கேற்கும் அவர், பாஜக நிர்வாகிகள் கூட்டத்திலும், அரசு நிகழ்ச்சிகளிலும் கலந்து கொள்கிறார். மத்திய அமைச்சர் பங்கேற்கும் நிகழ்வுகளில் அதிமுக அமைச்சர்கள், எம்எல்ஏ-க்கள் அனைவரும் கண்டிப்பாக கலந்து கொள்ள வேண்டும் என்று, அக்கட்சி தலைமை அறிவுறுத்தியுள்ளது.
வாக்காளர் பட்டியல் திருத்தத்துக்குச் சிறப்பு முகாம்கள்
சென்னை மாவட்டத்தை உள்ளடக்கிய 16 சட்டப்பேரவைத் தொகுதிகளுக்கு உட்பட்ட 902 வாக்குசாவடி மையங்களில் வாக்காளர் பட்டியலில் திருத்தம் செய்ய இன்று(நவ.21), நவ. 22, டிச. 12, 13 ஆகிய தேதிகளில் சிறப்பு முகாம்கள் காலை 10 மணி முதல் மாலை 5 மணி வரை நடைபெறுகிறது.
மழைக்கு வாய்ப்பு
தமிழ்நாட்டில் இன்று மதுரை, ராமநாதபுரம், தேனி, விருதுநகர், திருநெல்வேலி, கன்னியாகுமரி, தூத்துக்குடி, தென்காசி ஆகிய மாவட்டங்களில் லேசானது முதல் மிதமான மழை பெய்ய வாய்ப்பு இருப்பதாக, சென்னை வானிலை மையம் அறிவித்துள்ளது. இதர மாவட்டங்களில் வறண்ட வானிலை நிலவும் எனவும் தெரிவிக்கப்பட்டுள்ளது.
மாற்றுத் திறன் குழந்தைகள் கணக்கெடுப்பு பணி தொடக்கம்
சென்னை, தர்மபுரி, ஈரோடு, திருவாரூர் ஆகிய மாவட்டங்களில் பள்ளி செல்லாத, மாற்றுத் திறன் குழந்தைகள் கணக்கெடுப்பு பணி இன்று முதல் நடைபெற உள்ளது.
ஐஎஸ்எல் தொடரில் இன்று
ஐஎஸ்எல் கால்பந்து லீக் தொடரில் கோவாவிலுள்ள திலக் மைதான் ஸ்டேடியத்தில் நடைபெறும் போட்டியில் நார்த் ஈஸ்ட், யுனைடெட் எஃப்சி - மும்பை சிட்டி எஃப்சி அணிகள் இன்று மோதுகின்றன.
மாநாடு ஃபஸ்ட் லுக் இன்று வெளியீடு
வெங்கட் பிரபு இயக்கத்தில் சிம்பு நடித்து வரும் மாநாடு படத்தின் ஃபஸ்ட் லுக் இன்று வெளியாகவுள்ளது.
