அழகிகள் போட்டிக்கான நிறுவனம் நடத்திவரும் ஜோ மைக்கேல் பிரவீன் என்பவர் தன் மீது அவதூறு பரப்பி வருவதாக நடிகை மீரா மிதுன் மீது எம்.கே.பி நகர் காவல் நிலையத்தில் புகார் அளித்திருந்தார்.
அதனடிப்படையில், எம்.கே.பி நகர் காவல் துறையினர் பிறருக்கு தொல்லை தரும் வகையில் பொது இடத்தில் தகாத வார்த்தைகளில் பேசுதல், கொலை மிரட்டல் விடுத்தல் உள்ளிட்ட 5 பிரிவுகளின் கீழ் மீரா மிதுன் மீது வழக்குப்பதிவு செய்துள்ளனர்.
நடிகை சனம் ஷெட்டி, நடிகை ஷாலு ஷம்மு உள்ளிட்டவர்கள் மாடல் அழகி மீரா மிதுன் மீது நடவடிக்கை எடுக்க வேண்டும் என காவல்துறையினரிடம் புகார் அளித்திருந்தனர் என்பது குறிப்பிடத்தக்கது.
