பிரபல ஆட்டோ மொபைல்ஸ் நிறுவனமான அஷோக் லேலாண்ட் சென்னையைத் தலைமையிடமாகக் கொண்டு செயல்பட்டுவருகிறது. அந்நிறுவனம் இந்த மாதத்தில் மட்டும் 12 நாட்கள் தங்களது தொழிற்சாலைகளில் வேலையில்லாத நாட்களை அறிவித்துள்ளது.
ஆட்டோ மொபைல் சந்தையில் தேவை குறைந்துள்ளதையடுத்து அதற்கு ஏற்ப தங்களது உற்பத்தியைக் குறைக்கும் வகையில் இந்த நடவடிக்கை எடுக்கப்பட்டுள்ளதாக அந்நிறுவனம் தரப்பில் தெரிவிக்கப்பட்டுள்ளது. ஆட்டோ மொபைல் துறை கடந்த 20 ஆண்டுகளில் இல்லாத அளவுக்கு கடுமையானச் சரிவைச் சந்தித்துவருகிறது. பயணிகள் வாகன விற்பனைச் சரிவுடன் மேலும் சரக்கு, கனரக வாகன விற்பனையும் சரிந்துவருகிறது.
இதையடுத்து அதிகரிக்கும் பெட்ரோல், டீசல் விலை, பொருளாதார மந்தநிலை ஆகியவற்றால் வாகனங்கள் அதிக அளவில் விற்பனையாகவில்லை எனக்கூறப்படுகிறது. இது அஷோக் லேலாண்ட் போன்ற சரக்கு வாகன நிறுவனங்களை கடுமையாக பாதித்துள்ளது. இதனால் அந்நிறுவனம் தனது தொழிற்சாலைகளின் உற்பத்தியைத் தொடர்ந்து குறைத்து வருவதையடுத்து தற்போது நவம்பர் மாதத்தில் மீண்டும் வேலையில்லாத நாட்களை அறிவித்துள்ளது.
மேலும் படிக்க: சென்னையில் நவம்பர் 7, 8 ஆகிய தேதிகளில் தொழில்துறை கண்காட்சி!
