இடைத்தேர்தலில் வெற்றி பெற்றவர்களுக்கு முதலமைச்சர் வாழ்த்து

சென்னை: சோளிங்கர் மற்றும் விளாத்திக்குளம் தொகுதிகளில் நடைபெற்ற சட்டப்பேரவை இடைத்தேர்தலில் வெற்றி பெற்ற சம்பத் மற்றும் சின்னப்பன் ஆகியோருக்கு முதலமைச்சர் பழனிசாமி வாழ்த்து தெரிவித்தார்.

மக்களவை மற்றும் தமிழ்நாட்டில் 22 தொகுதிகளுக்கான சட்டப்பேரவைத் தேர்தல் முடிவுகள் நேற்று வெளியாகின. மக்களவைத் தேர்தலில் தேனியை தவிர அனைத்து தொகுதிகளையும் அதிமுக இழந்திருக்கிறது. இருப்பினும் 22 தொகுதிகளுக்கான சட்டப்பேரவை இடைத்தேர்தலில் ஒன்பது தொகுதிகளில் அக்கட்சி வெற்றி பெற்றிருப்பதால் ஆட்சியை தக்கவைக்கும் சூழல் உருவாகியுள்ளது.

இந்நிலையில், சோளிங்கர் மற்றும் விளாத்திக்குளம் தொகுதிகளில் நடந்த சட்டப்பேரவை இடைத்தேர்தலில் வெற்றி பெற்ற சம்பத் மற்றும் சின்னப்பன் ஆகியோர் முதலமைச்சர் எடப்பாடி பழனிசாமியை அவரது வீட்டில் சந்தித்து வாழ்த்துப் பெற்றனர்.