சென்னை மாநகரில் அடுக்குமாடி குடியிருப்பில் காவலாளியாகப் பணியாற்றி வருபவருக்கு 5 வயதில் மகள் உள்ளார். அவர் பணி புரிந்த குடியிருப்புக்கு அடுத்த குடியிருப்புப்பகுதியில் துப்புரவுப் பணியாளராக நேபாளத்தைச் சேர்ந்த 17 வயது சிறுவன் பணியாற்றி வந்தார். 5 வயது சிறுமி அடிக்கடி விளையாடுவதற்காக சிறுவன் வேலை செய்யும் குடியிருப்புப் பகுதிக்குச் செல்வது வழக்கம்.
இந்த நிலையில் நேற்று(ஜூன்.20) வழக்கம் போல சிறுமி விளையாடி விட்டு அழுதுகொண்டே வீட்டிற்குத் திரும்பியுள்ளார். சிறுமியின் தாய் இது குறித்து விசாரித்தபோது 17 வயது சிறுவன் அறையில் அடைத்து வைத்து பாலியல் வன்கொடுமை செய்தது தெரியவந்தது.
இதைக்கேட்டு அதிர்ச்சியடைந்த பெற்றோர் உடனடியாக வேப்பேரி அனைத்து மகளிர் காவல் நிலையத்தில் புகார் கொடுத்தனர். மேலும் பாதிக்கப்பட்ட சிறுமி அரசு மருத்துவமனையில் சிகிச்சைக்காக அனுமதிக்கப்பட்ட நிலையில், கைதான சிறுவனை காவல் துறையினர் போக்சோ பிரிவின் கீழ் வழக்குப்பதிவு செய்து, சிறுவர் சீர்திருத்த விடுதியில் சேர்த்தனர்.
இதையும் படிங்க: சென்னை விமான நிலையத்தில் மனைவியை இம்ப்ரஸ் பண்ண கணவன் செய்த செயல்.. கம்பி என்ன வைத்த கதை...
