சந்தை நிலவரம்: தொடர் சரிவில் இந்தியப் பங்குச் சந்தைகள்

ஆசிய பங்குச் சந்தைகளின் தாக்கம் காரணமாக இன்றைய வர்த்தக நாளில் மும்பை பங்குச் சந்தை சென்செக்ஸ், தேசிய பங்குச் சந்தை நிஃப்டி தொடர் சரிவைச் சந்தித்துவருகின்றன.

வர்த்தக நாள் முடிவில் சென்செக்ஸ் 300.06 புள்ளிகள் (0.79 விழுக்காடு) சரிந்து 37,734.08 புள்ளியிலும், தேசியப் பங்குச்சந்தை குறியீட்டு எண் நிஃப்டி 96.90 புள்ளிகள் (0.86 விழுக்காடு) சரிந்து 11,153.65 புள்ளியிலும் வர்த்தகம் நிறைவடைந்தன.

ஏற்றம், இறக்கம் கண்ட பங்குகள்:

• அதிகபட்சமாக எச்.சி.எல். நிறுவனத்தின் பங்குகள் 2.85 விழுக்காடு உயர்வைச் சந்தித்தது. அதற்கு அடுத்தபடியாக டி.சி.எஸ்., சன் ஃபார்மா, டெக் மஹிந்திரா, க்ராசிம் உள்ளிட்ட நிறுவனங்களின் பங்குகள் அதிக உயர்வை சந்தித்தன.
• ஜீல், அதானி போர்ட்ஸ், இன்ஃப்ரா டெல், கெயில், மாருதி உள்ளிட்ட நிறுவனங்களின் பங்குகள் சரிவைக் கண்டன.

தங்கம், வெள்ளி விலை:

சென்னையில் 22 கேரட் 10 கிராம் ஆபரணத் தங்கத்தின் விலை ரூ.48,800-க்கு விற்பனையானது. வெள்ளியின் விலை ஒரு கிலோ ரூ.60,600-க்கு விற்பனையானது.

பெட்ரோல், டீசல் விலை:

சென்னையில் ஒரு லிட்டர் பெட்ரோல் ரூ.84.21க்கும், டீசல் ரூ.76.78க்கும் விற்பனையானது.

இதையும் படிங்க: பின்னலாடை துறையில் சீனாவை வெல்ல என்ன செய்ய வேண்டும்?