கரோனா பாதிப்பின் காரணமாக வரலாறு காணாத வகையில் சுகாதார அவசரநிலைக்கு இந்தியா ஆளாகியுள்ளது. இதன் காரணமாக கோடிக்கணக்கான மக்களின் வாழ்க்கையும் வாழ்வாதாரமும் பாதிக்கப்பட்டுள்ளது. இந்நோய்க்கு சிகிச்சையளிக்க தடுப்பூசி இல்லாத நிலையில் மற்ற நாடுகளைப் போலவே, இந்தியாவும் நோய் பரவுவதைத் தடுக்கும் வகையில் லாக்டவுன் மேற்கொண்டது.
இந்த 54 நாள் லாக்டவுன் நடவடிக்கை மூலம் கரோனா பரவுதல் வெகுவாகத் தடுக்கப்பட்டு, நோய் பரவுவது வெகுவாகக் குறைக்கப்பட்டுள்ளது. முன்னேறிய நாடுகளைக் காட்டிலும் இவ்விவகாரத்தில் இந்தியா சிறப்பாகவே செயல்பட்டுள்ளது.
எவ்வாறாயினும், இழந்த உற்பத்தி, வேலைவாய்ப்பு மற்றும் வருமானம் ஆகியவற்றின் அடிப்படையில் நாடு செலுத்த வேண்டிய மிகப்பெரிய பொருளாதார இழப்பில் இது வந்து சேர்ந்துள்ளது. 2020ஆம் ஆண்டில் இந்திய பொருளாதாரம் 1.2 விழுக்காடாக வளர்ச்சியடையும் என்று ஐக்கிய நாடுகள் சபை கணித்துள்ளது, அதே நேரத்தில் இது 2018 மற்றும் 2019ஆம் ஆண்டுகளின் முறையே 4.3 விழுக்காடு மற்றும் 6.8 விழுக்காடு என்ற விகிதத்தில் வளர்ச்சியடைந்துள்ளது.
மறுபுறம், இந்திய பொருளாதாரத்தை கண்காணிக்கும் மையத்தின் (சி.எம்.ஐ.இ) மதிப்பீடுகள் 2020 ஏப்ரல் மாதத்தில் 114 மில்லியன் வேலைகள் இழக்கப்பட்டுள்ளன என்றும், இதைவிட கவலைக்குரிய விஷயம் என்னவென்றால், இந்த 27 மில்லியன் வேலைகளை இளைஞர்கள் இழப்பார்கள் என்கிறது.
நாடு அனுபவித்து வரும் பொருளாதார துன்பங்களை கருத்தில் கொண்டு, ஆளும் மத்திய அரசு ரூ.20 லட்சம் கோடி சிறப்பு நிதிச்சலுகையை வெளியிட்டுள்ளது. இது அடிப்படையில் வங்கி அமைப்பில் போதுமான பணத்தை கிடைக்கச் செய்வதன் மூலம் பணப்புழக்கத்தை உறுதிப்படுத்தும். மேலும், சிறுகுறு தொழிலாளர்களிலிருந்து தெரு வியாபாரிகள் வரை பல்வேறு பங்குதாரர்களுக்கு வங்கிகள் வழங்கும் கடன்களுக்கு அரசு உத்தரவாதங்களை வழங்குகின்றன.
மறுபுறம், விவசாயம், தொழில் மற்றும் வணிகத்தை எளிதாக்குவது தொடர்பான முக்கிய சீர்திருத்தங்கள் முன்வைக்கப்படுகின்றன. பொதுத்துறை நிறுவனங்களில் தனியார் துறை நுழைவதற்கு கடைசி வாயில்கள் அகலப்படுத்தப்பட்டுள்ளன.
அறிவிப்பில் சில போதாமைகள்:
நிதியமைச்சர் தனது தொடர் செய்தியாளர் சந்திப்புகளில் அறிவித்த அனைத்து கொள்கை நடவடிக்கைகளும் வரவேற்கப்பட வேண்டும். ஏனெனில், அவை நீண்ட காலத்தில் இந்தியாவை ஒரு பெரிய அளவிற்கு தன்னம்பிக்கை கொள்ளும் திறன் கொண்டவை. உண்மையில், இந்த சீர்திருத்தம் மற்றும் பணப்புழக்க நடவடிக்கைகளை அதிகரித்து இந்தியாவின் பொருளாதார வளர்ச்சிக்கு தடையாக உள்ள தவறான கோட்பாடுகளுக்கு தீர்வாக இருக்கும் என்று காண முடியும்.
இருப்பினும், இந்த காலகட்டத்தில் உள்ள முக்கிய கவலை என்னவென்றால், இத்தகைய பெரிய தொகுப்பு இருந்தபோதிலும் தற்போதைய முக்கிய பிரச்னையான தேவைக் குறைபாட்டை சீர்செய்து வர்த்தக நடவடிக்கையை உயிர்பிக்க உரிய திட்டமில்லை என்பதாகும். பொருளாதார வளர்ச்சியில் சரிவு மற்றும் வேலையின்மை அதிகரிப்புக்கான அடிப்படைக் காரணம் பொருட்கள் மற்றும் சேவைகளுக்கான தேவையில் ஏற்பட்ட சுணக்கமாகும்.
கரோனா முடக்கத்தால் ஏற்பட்டுள்ள இடையூறு விளைவிக்கும் விதமாக இருந்தாலும் அவை விரைவில் சீர்செய்யப்பட்டு, நுகர்வு அதிகரிக்கும் கொள்கை முன்முயற்சிகளை எடுக்க வேண்டும்.
அரசு அறிவிப்புகள் சில மானியங்களின் அடிப்படையில் வர்த்தகர்களுக்கு நேரடி ஆதரவை வழங்குவதை விட, பெரும்பாலும் கடன்களை வழங்குவதில் கவனம் செலுத்துகிறது. பொருட்கள் மற்றும் சேவைகளின் நுகர்வு மேசமாக உள்ள நிலையில் இதை சீர்செய்யும் விதமாக அரசின் நிதிச் சலுகை அறிவிப்பு இருந்திருக்கலாம்.
முன்னோக்கி செல்லும் வழி:
நுகர்வு தேவையை புதுப்பிக்க, நிதி முன்மொழிவு மூலம் நிதி ஊக்கத்திற்கு செல்ல வேண்டும். ஒருபுறம் வேலையில்லாதவர்களுக்கு வேலை வழங்கும் பொதுச் செலவுகளை மேம்படுத்த வேண்டிய அவசியம் உள்ளது. அத்துடன் விவசாயிகளுக்கு உள்ளீட்டு மானியங்களை வழங்குதல், நிதி ஊக்கத்தொகை மற்றும் சிறு சில்லறை வணிகங்கள் மற்றும் எம்.எஸ்.எம்.இ.க்களின் நிலையான செலவுத் தேவைகளில் ஒரு பகுதியை பூர்த்தி செய்வது.
இதற்கு இணையாக, ஏழைகளுக்கும் பாதிக்கப்படக்கூடியவர்களுக்கும் பண பரிமாற்றத்தை மேலும் அதிகரிக்க வேண்டிய அவசியம் உள்ளது, ஏனெனில் அவர்கள் வருமானத்தில் அதிகபட்ச பங்கை தங்கள் அன்றாட தேவைகளை பூர்த்தி செய்ய செலவிடுகிறார்கள். மேலும் இது நுகர்வோர் தேவையை மேம்படுத்துகிறது.
மறுபுறம், வேளாண்மை மற்றும் சிறுகுறு தொழில்முனைவோர்கள், கிட்டத்தட்ட 80 விழுக்காடு தொழிலாளர்களுக்கு கூட்டாக பங்களிப்பு செய்கின்றன, மேலும் சிறப்பு நிதிச் சலுகை நடவடிக்கைகளுடன் இந்தத் துறைகளின் மறுமலர்ச்சி வேலைவாய்ப்பை மேம்படுத்தும்.
இந்த அறிவிப்பு வருமானத்தை அளிக்கிறது, பின்னர் நுகர்வுக்கு ஊக்கத்தை அளிக்கிறது. ஆகவே, இந்த பிரிவுகளுக்கு நிதி நடவடிக்கைகளுடன் உதவுவதும், பொருளாதாரம் புத்துயிர் பெற உதவுவதும் இருக்கும். நிதி பற்றாக்குறை பிரச்னை நிச்சயமாக எழும். ஆனால் பெரும்பான்மையான இந்தியர்களின் வாழ்க்கை மற்றும் வாழ்வாதாரம் என்பதை விட இது பெரிதாக இருக்காது.
இதையும் படிங்க: "நிதிச்சலுகை" சரியான நேரத்தில் எடுக்கப்பட்ட சரியான முடிவு - ப்ரதிம் ரஞ்சன் போஸ் சிறப்புக் கட்டுரை
