இந்தியா முழுவதும் மகாத்மா காந்தியின் 150ஆவது பிறந்தநாள் விழா கோலாகலமாக கொண்டாடப்பட்டுவருகிறது. இந்நிலையில், மத்திய சாலை போக்குவரத்து துறை அமைச்சர் நிதின் கட்கரி காந்தி ஜெயந்தியை முன்னிட்டு மூங்கில்களாலான குடிநீர் பாட்டில், மாட்டுச் சாணத்தாலான சோப்புகளை நேற்று வெளியிட்டார்.
காதி மற்றும் கிராம தொழில் ஆணையத்தால் ( Khadi and Village Industries Commission) உருவாக்கப்பட்ட இந்தக் குடிநீர் பாட்டிலின் விலை ரூ.560 எனவும், ஒரு சோப்பின் விலை ரூ.125 எனவும் கட்கரி கூறினார். மேலும் பேசிய அவர், காந்தி ஜெயந்தியை முன்னிட்டு இயற்கை வேளாண்மையை ஊக்குவிப்பதற்கான செயல்களில் மத்திய அரசு செயல்படும் எனவும் தெரிவித்துள்ளார்.
